ივანიშვილისთვის მიწების გადაცემა - საკრებულოში ხმაურიანი სხდომაა მოსალოდნელი

პოლიტიკა - 10:13, 10 Oct, 2017

1423

თბილისის საკრებულოს დეპუტატემა დღეს ბიძინა ივანიშვილისთვის თბილისის ცენტრში მდებარე 2 მიწის ნაკვეთის გადადაცემასთან დაკავშირებით გადაწყვეტილება უნდა მიიღონ. სწორედ ამიტომ დედაქალაქის საკრებულოში ხმაურინ სხდომას ელოდებიან.

თბილისის საკრებულოს სხდომა 16:00 საათზეა ჩანიშნული, თუმცა 14:00 საათისთვის საკრებულოსთან უკვე „ნაციონალური მოძრაობა“ საპროტესტო აქციის გამართვას გეგმავს. მათი თქმით საკრებულოს არ უნდა მიეცეს საშუალება, რომ მავნებლური და დანაშაულებრივი გადაწყვეტილება მიიღოს.

“არ მივცემთ საშუალებას საკრებულოს, რომ მიიღონ ეს მავნებლური და დანაშაულებრივი გადაწყვეტილება. არ მივცემთ საშუალებას, რომ დღეს, ხვალ, ზეგ ჩვენს შვილებს მოუსპოს ბიძინა ივანიშვილის ახირებებმა სუნთქვის და არსებობის საშუალება ამ ქალაქში. ჩვენი აქცია დაიწყება 2 საათზე, დიახ საკრებულოს სხდომა ჩანიშნულია 4 საათზე და ყველანაირად ვეცდებით ხელი შევუშალოთ ამ დანაშაულებრივი გადაწყვეტილების მიღებას.“ - განაცხადა „ენმ“-ის წევრმა მარინა დათუკიშვილმა.

იმ შემთხვევაში თუ ყოფილ პრემიერს საკრებულო მიწის ნაკვეთებს მაინც დაუმტკიცებს, "ევროპული საქართველო" სასამართლოში ჩივილს აპირებს და მსგავსი ქმედებისკენ სხვა პარტიებსაც მოუწოდებს.

ოპოზიციისგან განსხვავებით „ქართულ ოცნებაში“ აღნიშნული მიწების გადაცემას ქალაქის განვითარებისთვის აუცილებელად მიიჩნევენ.