კონსტიტუციის კანონპროეტზე პრეზიდენტის მიერ დადებული ვეტოს შინაარს საპარლამენტო უმრავლესობა არ ეთანხმება. ფრაქცია „ქართული ოცნების“ თავმჯდომარე მამუკა მდინარაძის თქმით, გიორგი მარგველაშვილმა ვეტოს მოტივირებულ შენიშვნებს შეგნებულად დაამატა წინასწარ დაანონსებული ისეთი საკითხები, რაზეც იცოდა, რომ უმრავლესობა არ დაეთანხმებოდა. როგორც მდინარაძე აცხადებს, იმის გამო რომ ვეტოს ნაწილობრივ გათვალისწინებას კანონმდებლობა არ იცნობს, უმრავლესობა ვეტოს დასაძლევად მოწმზადება:

„ამით მან უკანასკნელ შანსზე თქვა უარი პოზიტიური წვლილი შეეტანა საკონსტიტუციო რეფორმის იმ წარმატებულ პროცესში, რომელიც აღიარა ქართულმა საზოგადოებამ, აღიარა ვენეციის კომისიამ და ყველა ობიექტურმა დამკვირვებელმა. ამიტომ შედეგი იქნება ის, რომ ჩვენ ვეტოს გადავლახავთ.“- განაცხადა მამუკა მდინარაძემ.

გავრცელებული ინფორმაციით, საპარლამენტო უმრავლესობა ვეტოს დასაძლევად კენჭისყრას მიმდინარე კვირის პარასკევს გამართავს.