„რუსთავი 2“-ის დაკვეთით გავლენიანმა ამერიკულმა კვლევითმა კომპანია „ედისონ რისერჩმა“ გამოკითხვა ჩაატარა. კვლევა 22 სექტემბრიდან 2 ოქტომბრამდე პერიოდს მოიცავს. საველე სამუშაოები თბილისში ჩატარდა. გამოკითხულებიდან ყველა არის სრულწლოვანი და აქვს დედაქალაქში ხმის მიცემის უფლება. რაც შეეხება პარტიების რეიტინგს, კვლევის ფარგლებში რესპონდენტებს შემდეგი კითხვა დაუსვეს - "თბილისის საკრებულოს არჩევნები დღეს რომ იმართებოდეს, რომელ პარტიას მისცემდით ხმას?" შედეგი ასეთია: "ქართული ოცნება" - 36%, "ნაციონალური მოძრაობა" - 12% - შემდეგ მოდის სხვა პარტიები.

კითხვაზე, "თბილისის მერის არჩევნები დღეს რომ ტარდებოდეს, ვის მისცემდით ხმას?" პასუხები ასეთია: კახი კალაძე - 34%, ზალიკო უდუმაშვილი - 14%, ალეკო ელისაშვილი - 14%, ელენე ხოშტარია - 5%.

კვლევაში მონაწილეთა 39%-ს აქვს მოლოდინი, რომ თბილისის მერის არჩევნებში მეორე ტური გაიმართება. იმ ადამიანებს შორის, რომლებსაც მეორე ტურის მოლოდინი აქვთ, 70% ფიქრობს, რომ განმეორებით კენჭისყრაში მონაწილეობას კახი კალაძე მიიღებს. 34%-ის აზრით მეორე ტურში გადავა ზალიკო უდუმაშვილიც.

„ნიუპოსტთან“ საუბრისას „ნაციონალური მოძრაობის“ წევრი თინათინ ბოკუჩავა შედეგებს აფასებს და აცხადებს, რომ პარტიაში არსებობს მოლოდინი მეორე ტურის გამართვასთან დაკავშირებით, ამ შემთხვევაში კი სხვა ოპოზიციურმა პარტიებმა ქვეყნის ინტერესებიდან გამომდინარე კანდიდატურა ზაალ უდუმაშვილის სასარგებლოდ უნდა მოხსნან:

„ყველა კვლევის მიხედვით, თბილისში აუცილებლად უნდა ჩატარდეს მეოე ტური, ამას ადასტურებს ყველა კვლევა, მათ შორის ის ტენდენციური კვლევებიც კი, რომელსაც თავად „ქართული ოცნება“ უკვეთავს, მოლოდინი რა თქმა უნდა გვაქვს იმის, რომ იქნება მეორე ტური და იმედი მაქვს, რომ მეორე ტურის შემთხვევაში სხვა ოპოზიციური, ან თუნდაც ფსევდოოპოზიციური კანდიდატები შეძლებენ, რომ თავიანთი ინტერესები გვერდით გადადონ, თუ მართლაც ქვეყნისა და ჩვენი მოქალაქეების ინტერესებზე ზრუნავენ, მხარი დაუჭირონ ზაალ უდუმაშვილს, რომელიც არის მთავარი ოპოზიციური პარტიის წარმომადგენელი, ძალიან ღირსეული კანდიდატი იმისთვის, რომ გახდეს ჩვენი დედაქალაქის მერი, განსხვავებით კახა კალაძისა, რომელიც საკუთარი ნათესავების დასაქმებით და მერიის კორუფციაში Cაფვლის მეტზე არაფერზე იფიქრებს მომავალი რამდენიმე წელი, მისი მასშტაბები იქნება უფრო დიდი, ვიდრე ნარმანიასი“, - აღნიშნავს თინათინ ბოკუჩავა.

„ნიუპოსტის“ კითხვაზე ითველბა თუ არა ალეკო ელისაშვილი ზაალ უდუმაშვილის კონკურენტად, ბოკუცავა აცხადებს, რომ ელისაშვილს ჰყავს საკუთარი ამომრცეველი :

ალეკო ელისაშვილს ტავისი ამომრჩეველი ჰყავს, ჩემი გადმოსახედიდან, იმ ამომრჩევლისთვის, რომელსაც არ მოსწონს „ქართული ოცნება“, ბიძინა ივანიშვილი დაიცის, რომ ამ ადამიანმა მიისაკუთრა მთელი ქვეყანა, ჩვენ მხოლოდ იმის წარმოდგენა შეგვიძლია რას გააკეთებს კახა კალაძის მერობის შემთხვევაში, რომელიც იქნება მისი მონამორჩილი ყველა საკითხში, ასეთი მოსახლეობა სწორედ „ნაციონალურ მოძრაობაში“ უნდა ხედავდეს გამოსავალს, რადგან ჩვენ ვართ ის ძალა რომელსაც შეუძლია წერტილი დაუსვას ივანიშვილის პარპაშს ამ ქვეყანაში, ეს ამომრჩევლის გადასაწყვეტია ვის ანდობს საკუთარ ხმას, სამწუხარო ის არის, რომ აშინებენ და აძალაებენ მოსახლეობის დიდ ნაწილს, რომ არჩევანი გააკეთონ არა საკუთარი შინაგანი მრწამსიდან გამომდინარე, არამედ დაშინების, შანტაჟის, სამსახურიდან გათავისუფლების საფრთხის ქვეშ“, - დასძენს ბოკუჩავა.