საერთაშორისო ასპარეზზე სუამი ძლიერ პოლიტიკურ აქტორად ჩამოყალიბდა

საერთაშორისო ასპარეზზე სუამი ძლიერ პოლიტიკურ აქტორად ჩამოყალიბდა - ჯანელიძე

პოლიტიკა - 18:16, 08 Oct, 2017

958

საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ სუამ-ის მნიშვნელობასა და მინისტერიალის შედეგებზე საიუბილეო სესიის შემდეგ სუამ-ის წვერი ქვეყნებისსაგარეო საქმეთა მინისტრებთან ერთად გამართულ პრეს-კონფერენციაზე ისაუბრა.

მიხეილ ჯანელიძემ ხაზი გაუსვა განვლილი 20 წლის განმალობაში ორგანიზაციის განვითარებას და აღნიშნა, რომ სუამი ამ ხნის განმალობაში საერთაშორისო ასპარეზზე სრულფასოვან და ძლიერპოლიტიკურ აქტორად ჩამოყალიბდა, რომელიც სხვადასხვა მიმართულებით ავითარებს წარმატებულ თანამშრომლობას, „20 წლის წინ, ოთხმა მეგობარმა ქვეყანამ საფუძველი ჩაუყარა სუამ-ისფორმატის დაარსებას, რეგიონში მშვიდობის, სტაბილურობის, თანამშრომლობისა და ეკონომიკური განვითარების გაძლიერებისათვის. გასული წლების მანძილზე, ჩვენი ერთობლივიძალისხმევით, სუამ-ი გარდაიქმნა სრულფასოვან რეგიონალურ ორგანიზაციად, რომლის ფარგლებშიც დღეს წარმატებით ვითარდება პოლიტიკური, დარგობრივი და საპარლამენტთაშორისოთანამშრომლობა,“ აღნიშნა მინისტრმა.

მიხეილ ჯანელიძის განცხადებით საიუბილეო სხდომაზე, მონაწილეებმა შეაფასეს როგორც განვლილ წლებში მიღწეული შედეგები, ასევე დასახეს და შეიმუშავეს ერთობლივი სამომავლო ხედვაორგანიზაციის კიდევ უფრო ეფექტური და წარმატებული საქმიანობისთვის.

საქართველოს საგარეო უწყების ხელმძღვანელმა მადლობა გადაუხადა აზერბაიჯანის, მოლდოვის და უკრაინის საგარეო საქმეთა მინისტრებს და სუამ-ის გენერალურ მდივანს ორგანიზაციის 20წლის იუბილეს აღსანიშნავად თბილისში სპეციალურად ჩამობრძანებისთვის და გამოთქვა იმედი, რომ ერთობლივი ძალისხმევით, არსებული მჭიდრო თანამშრომლობა კიდევ უფროგააქტიურდება არა მხოლოდ სუამ-ის წევრ სახელმწიფოებს შორის, არამედ ასევე სუამ-ის პარტნიორებთან.

მინისტრმა ასევე ისაუბრა ღონისძიების ფარგლებში სუამ-ის საგარეო საქმეთა მინისტრების მიერ ხელმოწერილი ერთობლივი საგანგებო კომუნიკეს მნიშვნელობაზე „ეს დოკუმენტი ადასტურებსოთხივე ქვეყნის ერთსულოვნებას, გამოიჩინონ მეტი აქტიურობა და საერთო ძალისხმევით მიაღწიონ მეტ შედეგს, ოთხივე ქვეყნისა და ხალხების საკეთილდღეოდ“, განაცხადა მან.

საგარეო უწყების ხელმძღვანელის განცხადებით ორგანიზაციის ფარგლებში მიღწეული იქნა მნიშვნელოვანი შეთანხმება, რომელიც თავისუფალი სავაჭრო ზონის შექმნას ეხება. „ეს იქნება მნიშვნელოვანი არამხოლოდ სავაჭრო-ეკონომიკური ურთიერთობებისთვის, არამედ ეს იქნება მნიშვნელოვანი ასევე სატრანსპორტო კორიდორის შემდგომი გაძლიერებისა და გააქტიურებისთვის“ - განაცხადა მიხეილ ჯანელიძემ.

მინისტრმა ხაზი გაუსვა სატრანსპორტო კორიდორის მნიშვნელობას და აღნიშნა, რომ ორგანიზაციისთვის და ორგანიზაციის წევრი ქვეყნებისთვის ეს უმთავრესი პრიორიტეტია. მიხეილ ჯანელიძის განცხადებით განხორციელდება შესაბამისი ქმედებები, რათა სატრანსპორტო კორიდორი გახდეს ეფექტური და ცნობადი გლობალური მასშტაბით.

„სატრანსპორტო კორიდორს შეუძლია მხოლოდ სიკეთის, სტაბილურობის და განვითარების მოტანა მთლიანად რეგიონისთვის. ამ თანამშრომლობისთვის ჩვენ, რა თქმა უნდა, ვიწვევთ როგორც აღმოსავლეთით ასევე დასავლეთით ყველა დაინტერესებულ მხარეს“ - განაცხადა ჯანელიძემ.

მინისტრის ინფორმაციით ამ ეტაპზე მიმდინარეობს თავისუფალ სავაჭრო ზონასთან დაკავშირებით შესაბამის საიმპლემენტაციო შეთანხმებების გაფორმებაზე მუშაობა და წლის ბოლომდე შესაძლებელი იქნება პროცესის დასრულდება.აღსანიშნავია, რომ საქართველომ, როგორც სუამ-ის თავმჯდომარე ქვეყანამ, დღეს თბილისში წევრი ქვეყნების საგარეო საქმეთა მინისტრთა საბჭოს საიუბილეო სხდომას უმასპინძლა.ორგანიზაციის 20 წლისთავისადმი მიძღვნილ ღონისძიებაში სუამ-ის პარტნიორი ქვეყნების დელეგაციები, სუამის საპარლამენტო ჯგუფის წევრები და საქართველოს სხვადასხვა უწყებების წარმომადგენლები მონაწილეობდნენ.