"ევროპული საქართველო" მთავრობას დედაქალაქის ბიუჯეტის არამიზნობრივად ხარჯვაში ადანაშაულებს

პოლიტიკა - 18:41, 06 Oct, 2017

1014

"ევროპული საქართველოს" საკრებულოს თავჯდომარეობის კანდიდატის, გოკა გაბაშვილის განცხადებით, "ქართული ოცნების" ხელისუფლება დედაქალაქის ბიუჯეტს არამიზნობრივად ხარჯავს და ხშირ შემთხვევაში პირადი მიზნებისთვის იყენებს.

„მინდა მერიაში უნიათობისა და მავნებლობის სამი მაგალითი წარმოგიდგინოთ. პირველი მაგალითი არის ახალი წელი. ივნისში შეიქმნა კომისია, რომ საახალწლოდ ქალაქის გაფორმების თანხა გაღებულიყო. ივნისიდან სექტემბრამდე არაფერი გაკეთებულა და სექტემბერში გადაუდებელი აუცილებლობის დასაბუთებით, უტენდეროდ მთელი თანხა წავიდა თბილისის მერიის შ.პ.ს_ზე “თბილისელების ჯგუფზე”.

მეორე ასეთივე მაგალითია “თბილისობა” არანაირი ტენდერი თბილისობის ხარჯებთან დაკავშირებით ჩატარებული არ არის და მონაცემთა ბაზებში საერთოდ არ იძებნება როდის და როგორ იქნება წლევანდელი თბილისობის ხარჯები გაღებული.

მესამე მაგალითი არის ძალიან უცნაური, ეხება პეკინის ქუჩას რომელიც რეაბილიტირდა, ყველამ ვნახეთ რომ საკმაოდ მაშტაბური სამუშაოები ჩატარდა და ჩვენ ვიცით მხოლოდ კომპანია “black see group” მაგრამ არაფერი არ არის ცნობილი ტენდერებთან და ხელშეკრულებებთან დაკავშირებით. თუ როგორი ხელშეკრულება გაფორმდა ამ კომპანიასთან ეს ინფორმაცია მონაცემთა ბაზაში არ იძებნება.

ასეთი მოპყრობა ბიუჯეტთან იწვევს შეკითხვებს და ჩვენ ზუსტად ვართ დარწმუნებულები, რომ ამ ბიუჯეტით თავისუფლად არის შესაძლებელი რომ ჩვენ გავზარდოთ 50 ლარით პენსიები და 70 ლარით გავუზარდოთ სოციალური დახმარება ოჯახის თითოეულ წევრს“- განაცხადა გაბაშვილმა.