კახა კალაძე ალეკო ელისაშვილის გამოწვევას, დებატებში მონაწილეობასთან დაკავშირებით ეხმაურება. „ქართული ოცნების“ მერობის კანდიდატი დამოუკიდებელ კანდიდატს კონკურენტად არ აღიქვამს:

“ჩვენ დებატებში ვმონაწილეობთ, ამის პრობლემა “ქართულ ოცნებას” არ გააჩნია, ამის პრობლემა კახა კალაძეს არ გააჩნია. ალეკო ელისაშვილი ნამდვილად არ არის ჩემი მთავარი კონკურენტი - ჩემი მთავარი კონკურენტია ის პრობლემები, ის ტკივილი და წუხილი, რომელიც დღეს ქალაქს აწუხებს. მე მოვდივარ იმისთვის, რომ ვმართო ქალაქი და როგორც ნორმალურ, ცივილიზებულ ქვეყნებში ხდება - დებატები იქნება თუ სხვა მიმართულება, ჩვენ ყოველთვის მზად ვართ მივიღოთ მონაწილეობა”, - განაცხადა კახა კალაძემ.

შეგახსენებთ, თბილისის მერობის დამოუკიდებელმა კანდიდატმა ალეკო ელისაშვილმა კახა კალაძეს დებატებში მასთან ერთად მონაწილეობა უკვე მეორედ შესთავაზა.