დედაქალაქის მთავრობამ ბიძინა ივანიშვილისთვის მიწების გადაცემის საკითხი დაამტკიცა

პოლიტიკა - 10:00, 05 Oct, 2017

4329

დედაქალაქის მთავრობამ პუშკინის სკვერის და თაბორის მთის ნაწილის ბიძინა ივანიშვილის კომპანიისთვის გადაცემის საკითხზე დადებითი გადაწყვეტილება მიიღო.

„ეს მონურად მორჩილი საკრებულო კვლავ მზად არის ბიძინა ივანიშვილისთვის 1 ლარად მიწების გადაცემას დაუჭიროს მხარი, მაგრამ მე მათ კიდევ ერთხელ მოვუწოდებ, რომ ისინი ამითი ანგრევენ ჩვენი ქვეყნის მომავალს,“-განაცხადა ენმ-ს წევრმა მარინა დათუკიშვილმა.

ფრაქცია „თბილისის“ თავმჯდომარე მამუკა ახვლედიანი საკითხის კომენტირებისას ამბობს, რომ თბილისის საკრებულოს უმრავლესობამ ქვეყნის ინტერესების წინააღმდეგ მიმართული გადაწყვეტილება მიიღო.

„ძალა აღმართს ხნავს, საკრებულოს უმრავლესობამ და თბილისის მთავრობამ ეს ყველაფერი ფეხქვეშ გათელა და გვატყუებენ და თვალში ნაცარს გვაყრიან, რომ თურმე თბილისელთათვის, ქალაქის ცენტრში პარკინგი გაკეთდება, ტყუილია,“-აცხადებს მამუკა ახვლედიანი.

პუშკინის სკვერის მიმდებარე ტერიტორიასა და თაბორის მთის ნაწილს ზონის სტატუსი საკრებულომ 29 სექტემბრის აქციის ფონზე შეუცვალა.

ხელშეკრულების პროექტი საკრებულოს გადაეგზავნება. დეპუტატები საკითხზე სავარაუდოდ პარასკევს იმსჯელებენ.