მმართველი ძალის მიერ ბაღების პოლიტიკურ პროცესებში ჩართვა - ოპოზიცია გამოძიების აუცილებლობაზე საუბრობს

პოლიტიკა - 09:44, 05 Oct, 2017

972

ბაღების თანამშრომელთა შესაძლო იძულება "ქართული ოცნების" მხარდაჭერის მოთხოვნით - თბილისის საკრებულოს უმცირესობა გამოძიებას ითხოვს. დეპუტატების

“აღმზრდელები დაკავებულები არიან „ქართული ოცნების“ წინასაარჩევნო კამპანიით. ისინი დაკავებულები არიან ადამიანების მობილიზებით, სიების შედგენით, რომლებიც აპრიორი „ქართული ოცნების“ ხმის მიმცემები იქნებიან იძულების წესით შემდგომ და ბავშვები რჩებიან უყურადღებოდ. პროკურატურა აუცილებლად უნდა დაინტერესდეს ამ საქმის გამოძიებით და აუცილებლად უნდა დადგეს ბაღების სააგენტოს ხელმძღვანელობის პასუხისმგებლობის საკითხი,“-განაცხადა „ენმ“-ს წევრმა მარინა დათუკიშვილმა.

საგამოძიებო უწყებას პოლიტიკოსები ძალადობისა და დაშინების ნიშნების მოკვლევასაც სთხოვენ.

„ეს არის ძალიან მნიშვნელოვანი წინასაარჩევნო დარღვევა, რა თქმა უნდა ეს არის უხეში ადმინისტრაციული რესურსის გამოყენება, სხვა მრავალ დარღვევებთან ერთად, რომელსაც „ქართული ოცნება“ წინასაარჩევნოდ იყენებს და ამას მე ვარ ღრმად დარწმუნებული, რომ 21 ოქტომბერს „ქართველი ამომრჩეველი ღირსეულ პასუხს გასცემს,“-აცხადებს ფრაქცია „თბილისის“ თავმჯდომარე მამუკა ახვლედიანი.

თბილისის საკრებულოს თავმჯდომარის მოადგილე აცხადებს, რომ ინფორმაციას საკითხთან დაკავშირებით არ ფლობს.

"სტუდია მონიტორის“ ჟურნალისტურ გამოძიებიდან ირკვევა რომ სკოლამდელი დაწესებულებების დირექტორების ნაწილი სავარაუდოდ, „ქართული ოცნების“ მხარდამჭერთა სიებს ადგენს და ანგარიშს ბაღების სააგენტოს უგზავნის.