თვითმმართველობის არჩევნებზე "რუსთავი 2-ის" დაკვეთით ეგზიტპოლს "Edison Research"-ი ჩაატარებს

პოლიტიკა - 15:34, 04 Oct, 2017

814

ტელეკომპანია „რუსთავი 2“-ის დაკვეთით თვითმმართველობის არჩევნებზე თბილისსა და ქუთაისში ეგზიტპოლს "Edison Research" ჩაატარებს. აღნიშნულის შესახებ დღეს პრესკონფერენცია გაიმართა, რომელსაც პოლიტიკური პარტიის წარმომადგენლები დაესწრნენ.

"Edison Research"-მა ეგზიტპოლი საქართველოში 2010 და 2012 წლების არჩევნების დროსაც ჩაატარა და მაშინ შედეგები ცენტრალური საარჩევნო კომისიის მონაცემებს თითქმის სრული სიზუსტით დაემთხვა.

"ედისონ რისერჩი" ატარებს ყველა კვლევას აშშ-ში 2004 წლის შემდეგ, ანუ არ არსებობს სხვა კომპანია, რომელიც ატარებს ეგზიტპოლებს. შესაძლოა ტელეკომპანიამ თქვას, რომ ეს მისი ეგზიტპოლია, მაგრამ მონაცემებს ყველა მათგანს ჩვენ ვაწვდით, მათ შორის ეი ბი სი-ს, სი ბი ეს-ს, სი ენ ენ-ს, "ესოშიეთიდ პრესს," "ფოქსს" წარსულში და ჩვენ გავაგრძელებთ ამ საქმიანობას 2018 წლის არჩევნებზეც ამერიკაში. რაც შეეხება საქართველოს ვგეგმავთ, არჩევნების დღეს 21 ოქტომბერს ეგზიტპოლის ჩატარებას ორ ქალაქში - თბილისსა და ქუთაისში და ამ შედეგებს საარჩვენო უბნების დახურვის შემდეგ გამოვაქვეყნებთ”- განაცხადა "ედისონ რისერჩის" ვიცე-პრეზიდენტმა, რობ ფაბმანმა.

"ედისონ რისერჩს" აქვს ძალიან მაღალი ხარისხის ნდობა მსოფლიოში და ჩვენ არანაირი საფუძველი არ გაგვაჩნია იმის, რომ რაიმე სახის ეჭვი შევიტანოთ მათ მიერ ჩატარებულ ეგზიტპოლში მე პირადად ველოდები ამ კვლევის შედეგებს“- განაცხადა "ერთიანი ნაციონალური მოძრაობის" მერობის კანდიდატმა ზააალ უდუმაშვილმა.

"Edison Research"- მა უკვე ჩაატარა წინასაარჩევნო ეგზიტპოლი და შედეგები პარასკევს გახდება ცნობილი.