,,შეადარეთ თავისუფალი უნივერსიტეტისა და პუშკინის სკვერის მაგალითი“

,,შეადარეთ თავისუფალი უნივერსიტეტისა და პუშკინის სკვერის მაგალითი“ - გადაცემული ქონება და მისი სიკეთეები

პოლიტიკა - 20:59, 03 Oct, 2017

7184

ნაციონალური მოძრაობის თბილისის მერობის კანდიდატი აცხადებს, რომ ქონების გადაცემა ერთ ლარად მიუღებელია ნებისმიერი ბიზნესმენისთვის თუ მას საზოგადოებრივი სიკეთე არ მოაქვს. ამის შესახებ ზაალ უდუმაშვილმა თოქშოუ ,,რეაქციაში“ განაცხადა. რაც შეეხება კითხვას წინა ხელისუფლების დროს გადაცემულ ქონებებთან დაკავშირებით, უდუმაშვილი პასუხობს, რომ ასევე მიუღებელი იყო ნინო ბურჯანაძისთვსი ერთ ლარად წყნეთის აგარაკის გადაცემა, თუმცა მან იქვე მაგალითად მოიყვანა კახა ბენდუქიძის თავისუფალი უნივერსიტეტი, რომელიც, მისი თქმით, სწორედ საზოგადოებრივ სიკეთედ იქცა.

,,პირველი მახსენდება როცა ნინო ბურჯანაძეს, მაშინდელ ქვეყნის მეორე პირს ნინო ბურჯანაძეს წყნეთის აგარაკი გადასცეს ერთ ლარად. ეს რა თქმა უნდა მიუღებელია ჩემთვის, როცა ამდენი გაჭირვებული ადამიანი ირგვლივ. მაგრამ ამის პარალელურად არსებობს მეორე ფაქტი, როცა კახა ბენდუქიძეს გადასცეს აგრალური უნივერსიტეტი თუმცა მაშინ 10 მილიონად გადაცა 20 მილიონიანი საინვესტიცვიო ვალდებულებით და ჩვენ მივიღეთ აქედან ერთერთი საუკეთესო უნივერისტეტი მართლაც ცოდნის ცენტრი. და ამ ადამიანს ბიძინა ივანიშვილი ამის გამო იჭერდა და დაკითხვებზე დაყავდა და ბოლოს იძულებული გახდა ეს ადამიანი, ქვეყნიდან წასულიყო, შეადარეთ ეხლა თავისუფალი უნივერსიტეტისა და პუშკინის სკვერის მაგალითი“ - განაცხადა ზაალ უდუმაშვილმა.