,,ხუთი ნევროზიანი პოლიტიკოსი გამოდის, აბრიალებს თვალებს და ყვირის“

,,ხუთი ნევროზიანი პოლიტიკოსი გამოდის, აბრიალებს თვალებს და ყვირის“ - პრემიერი მერიასთან ენმ-ის აქციას აფასებს

პოლიტიკა - 14:51, 03 Oct, 2017

1459

ტყუილების კასკადი 2011 წელს დაიწყო და დღემდე გრძელდება - ამის შესახებ გიორგი კვირიკაშვილმა მთავრობის სხდომაზე განაცხადა. პრემიერი ნაციოანლური მოძრაობის მიერ მერიის წინ გამართულ აქციას გამოეხმაურა და თქვა, რომ ოპოზიციაში მყოფი პოლიტიკოსები ,,გაკოტრდნენ და რაღაცით ყურადღების მიპყრობა სურთ“.

,,ჯერ იყო და ვართ პრორუსები და ვერავინ ვერ დააჯერე, რადგან, მთავრობის ყველაზე დიდი წარმატება პროდასავლურ მიმართულებას უკავშირდება - მათ შორისაა ევროკავშირთან ასოცირებისა და ღრმა და ყოვლისმომცველი თავისუფალი სავაჭრო სივრცის შესახებ შეთანხმება, ვიზალიბერალიზაცია და სტრატეგიული თანამშრომლობის ხელშეკრულება აშშ-თან, რომელთანაც არასოდეს ყოფილა ასეთი ინტენსიური ურთიერთობა. ამას შემდეგ მოჰყვა მთელი კასკადი ტყუილების და დღეს გაკოტყრდნენ და ეხლა რაღაცით უნდა მიიპყრონ ყურადღება და მოიგონეს ეს უსინდისო ტყუილი.

მინდა, ჩვენი გუნდის წევრებს მივმართო - როდესაც შენ მართალი ხარ, ცოტა უფრო თამამად არის საჭირო ამ სიმართლის თქმა. არავის უნდა მოერიდოს, რომ ვთქვათ, რაზეა საუბარი. საუბარია მილიარდ ლარზე მეტ ინვესტიციაზე. ჩვენ ინვესტორები გვჭირდება და რაკი ბიძინა ივანიშვილია, არ ამოვიღოთ ხმა და არ დავიცვათ ინვესტიცია, 680 მილიონ დოლარზე მეტია მთლიანად ინვესტიცია, ეს მილიარდ-ნახევარ ლარზე მეტია და რა ვქნათ, გავაჩეროთ ინვესტიცია, გადავკეტოთ ქალაქი იმიტომ რომ ხუთი ნევროზიანი პოლიტიკოსი გამოდის, აბრიალებს თვალებს და ყვირის?!.

ყველამ მინდა ნახოს იმ ადამიანის გვამო, რომელიც 26 მაისს გამოდიოდა, როცა გვამები ეყარა პარლამენტის წინ და ამბობდა რომ ნაგვით გაწმინდესო, რომელსაც გუშინ მერიის წინ ასულიერებდნენ. ეს ცვლილება მოიტანა ბიძინა ივანიშვილმა და ამიტომ იბრძვიან ასე გააფრთებით. ხალხი ყველაფერს ხედავს“ - განაცხადა პრემიერ-მინისტრმა.