"უდროო და არარელევანტური" - საკრებულოს ოპოზიცია ელისაშვილის მიერ დეპუტატის მანდატის დატოვებაზე

პოლიტიკა - 10:32, 02 Oct, 2017

1409

ალეკო ელისაშვილის გადაწყვეტილებას, დატოვოს საკრებულოს დეპუტატის მანდატი, დაგვიანებულ და არასწორ ნაბიჯად აფასებენ ოპოზიციაში.

„ეს ინიციატივა არის აბსოლუტურად უდროო და არარელევანტური. დღეს აბსოლუტურად სხვა ამოცანების წინაშე ვდგავართ. საკრებულომ თავის უფლებამოსილების ვადა ამოწურა. ასეთი საკითხები და კიდევ უფრო მწვავე ადრეც იყო, როგორიც იყო ნაზღაიძის საქმე, ფარცხალაძის საკითხი, ხეების გაჩეხვა და ა.შ. და ამის გაკეთება თუ სურდა, შეეძლო ადრეც გაეკეთებინა. დღეს არის დარჩენილი ძალიან ცოტა დრო, არის ძალიან კონკრეტული პრობლემა და ბოლომდე უნდა მივიტანოთ ჩვენ ეს ბრძოლა,“ - განაცხადა „ენმ“-ის წევრმა ირაკლი ნადირაძემ.

ელისაშვილს საკრებულოს პარასკევის ხმაურიან სხდომას ახსენებს და პასიურობისთვის საყვედურობს საკრებულოს ფრაქცია „თბილისელების“ თავმჯდომარე.

„ბოლო სხდომაზე ალეკოს დამოკიდებულება სრულიად მიუღებელი იყო ჩემთვის, მაშინ, როდესაც ალეკომ არანაირი პოზიცია არ გამოხატა იმ მნიშვნელოვან საკითხებთან დაკავშირებით, რომელიც თბილისის საკრებულოში ხდებოდა და საკრებულოს დატოვებაც ბოლო თვეში, სრულიად არასწორია და არამართებულია,“ - აცხადებთ საკრებულოს ფრაქცია „თბილისის“ თავმჯდომარე მამუკა ახვლედიანი.