„ერთობა-ახალი საქართველოს“ თბილისის მერობის კანდიდატი გიორგი ვაშაძე თბილისის მერიას პეკინის ქუჩის არასრულად რეაბილიტაციაში ადანაშაულებს. ვაშაძის განცხადებით, არც ფეხით გადასასვლელები და არც სამანქანო მოძრაობის ხაზები ამქუჩაზე დახაზული არ არის, რაც მოძრაობის წესებს ხელს უშლის. მერობის კანდიდატის თქმით, ეს არასრულად გაკეთებული საქმეა და ის ევროპის სტანდარტებს ეწინააღმდეგება.

„ჩვენ ახლა ვიმყოფებით პეკინის ქუჩაზე, სადაც თქვენ შეგიძლიათ ნახოთ, რომ არც ფეხით გადასასვლელები, არც სამანქანო მოძრაობის ხაზები არ არის დახაზული ამ ქუჩაზე. ეს არის არასრულად გაკეთებული საქმე. თბილისში უნდა იყოს ევროპული სტანდარტები, ჩვენ პროგრამაში გვაქვს, რომ სწორედ ევროპული სტანდარტები დამკვირდრდეს, რომ მასგავსი დაუმთავრებელი გზები არ იყოს ქალაქში.

3 კვირის წინ მერიამ გვამცნო რომ დაასრულეს სამუშაოები, თუმცა დღეს, თქვენხედავთ რომ მანქანებით და ფეხით მოძრაობას ხელს უშლის სწორედ ის რომ არ არის დახაზული ქუჩა და სამუშაო ფაქტობრივად შუა გზაშია მიტოვებული. ყველა საქმე უნდა მიდიოდეს ბოლომდე, უნდა კეთდებოდეს ხარისხიანად და ფული არ უნდა იყრებოდეს ტყუილ უბრალოდ. როდესაც ვსაუბრობთ მართვასა და მენეჯმენტზე, საუბარია იმაზე რომ უნდა იყოს შესაბამისი სტანდარტები ქალაქში, არ შეიძლება საქმის შუა გზაში მიტოვება. საცობების ერთ-ერთი გამომწვევი მიზეზი სწორედ ეს დაუხაზავი გზებია, იმიტომ რომ მანქანები აღარ არეგულირებენ მოძრაობას და საფეხმავლო გადასასვლელზე შეიძლება მანქანა დაგეჯახოს. ეს არის ქართული ოცნების სტანდარტი, სამწუხაროდ რომელიც მათ აქვთ. ეს არის უხარისხოდ გაკეტებული საქმე“- განაცხადა გიორგი ვაშაძემ