თბილისის მერობის დამოუკიდებელმა კანდიდატმა ალეკო ელისაშვილმა "რუსთავი 2"-ის პირდაპირ ეთერში განაცხადა, რომ თბილისის საკრებულოს ტოვებს. ამის მიზეზად ელისაშვილმა 29 სექტემბერს საკრებულოში განვითარებული მოვლენები დაასახელა. ამავე დროს ელისაშვილმა სხვა კოლეგებსაც მოუწოდა, რომ ანალოგიური ნაბიჯი გადადგან.

“ ვინც ვმუშაობთ საკრებულოში, ჩემი ჩათვლით, აღარ გვაქვს მორალური უფლება, რომ იქ ვიყოთ. ერთი თვეა დარჩენილი, მაგრამ მე არ დამიგეგმავს ეს ყველაფერი. ორშაბათს დავწერ განცხადებას და თბილისის საკრებულოს აპარატს ჩავაბარებ. მოვუწოდებ თითოეულ ჩემს კოლეგას დავტოვოთ საკრებულო”, – განაცხადა ალეკო ელისაშვლმა.