დაპირისპირება თბილისის საკრებულოში - დედაქალაქის მერი გუშინ განვითარებულ მოვლენებს ეხმაურება. ნარმანიას განცხადებით, განსახვავებული აზრი ნორმალურად უნდა გამოიხატებოდეს და არა უშვერი სიტყვებით თუ ხმამაღალი შეძახილებით:

„როცა საუბარია მიწისქვეშა პარკინგის პროექტზე, ქალაქს ძალიან სჭირდება ასეთი პარკინგები. აუცილებელია, რომ ხელი შევუწყოთ მსგავს პროექტებს და ეს არ იქნება უკანასკნელი პროექტი, რომელიც დამტკიცდება. როცა ადამიანებს აქვთ განსხვავებული აზრი, ამ განსხვავებული აზრის გამოხატვასაც აქვს თავისი ფორმა, გამოხატვა უნდა იყოს ცივილური, წესიერი და არავის აქვს უფლება, საკრებულოს საქმიანობას ხელი შეუშალოს“, - განაცხადა ნარმანიამ.

შეგახსენებთ, რომ გუშინ თბილისის საკრებულოში სხდომის მიმდინარეობას ადგილი ჰქონდა დაპირისპირებას. სხდომაზე განიზილებოდა ბიძინა ივანიშვილის კუთვნილი კომპანიისთვის ორი მიწის ფართობის გადაცემისა და სტატუსის შეცვლის საკითხები. აღნიშნული ოპოზიციამ გააპროტესტა და საკითხების დღის წესრიგიდან ამოღება მოითხოვა, რასაც დაპირისპირება მოჰყვა ოპოზიციისა და „ართული ოცნების“ მხარდამჭერებს შორის.