"საკრებულო აქციეს ივანიშვილის ნოტარიულ კანტორად"- ხოშტარია ყოფილი პრემიერისთვის მიწების გადაცემას აპროტესტებს

პოლიტიკა - 13:28, 29 Sep, 2017

1234

„ევროპული საქართველოს“ თბილისი მერობის კანდიდატის ელენე ხოშტარიას თქმით თბილისის საკრებილო ბიძინა ივანიშვილისთვის ნოტარიულ კანტორად იქცა. აღნიშნული განცხადება ხოშტარიამ საკრებულოს სხდომის მიმდინარეობისას გააკეთა, სადაც თბილისის ორი ტერიტორიისთვის ზონის სტატუსის შეცვლას განიხილავდნენ. ოპოზიციის განცხადებით ზონების შეცვლის შემდეგ თაბორის მთაზე და პუშკინის სკვერთან მდებარე ტერიტორიები ბიძინა ივანიშვილის კომპანიას „პანორამა თბილისის“ მშენებლობის ფარგლებში უნდა გადაეცეს.

„თბილისის საკრებულო ბიძინა ივანიშვილის დაკვეთას ძალიან სწრაფად, საათებში ასრულებს, იმისთვის რომ მან მოაწყოს რაღაცა პარკინგი და გაიფართოოს თაბორის მთაზე ტერიტორია. არც გეოლოგიური, არც სატრანსპორტო დასკვნა არაა. მოქალაქეები საკითხის გადაწყვეტას თვეების განმავლობაში ელოდებიამ ეს საკითხი კი საათებში განიხილეს, თქვენ გგონიათ აქ მსჯელობა მიდის, არა აქ საუბარია როგორი კარგი კაცია ბიძინა ივანიშვილი და როგორ ლამაზ გოლფ-ეზოს მოიწყობს და რა მოხდა მერე... საკრებულო აქციეს ნოტარიულ კანტორად რაც უნდა ბიძინა ივანიშვილს, ერთ წუთში იმას ერტყმევა ბეჭედი.“- განაცხადა ელენე ხოშტარიამ.

დღეს დედაქალაქის საკრებულოში თბილისის ორი ტერიტორიის კერძო პირისთვის გადაცემის საკითხზე მსჯელობენ, საქმე ეხება ბოტანიკური ბაღის ნაწილს და პუშკინის სკვერთან არსებულ ტერიტორიას, ამ ტერიტორიებით კი „პანორამა თბილისის“ მშენებლი კომპანიაა დაინტერესებული.