საქართველოს პრემიერ-მინისტრი გიორგი კვირიკაშვილი გერმანიის კანცლერს ანგელა მერკელს შეხვდა. მთავრობის ადმინისტრაციის ინფორმაციით, ორი ქვეყნის ლიდერები შეხვედრაზე გერმანია-საქართველოს ურთიერთობაზე მსჯელობდნენ. მათ განიხილეს არსებული გამოწვევები და საქართველო-ევროკავშირს შორის თანამშრომლობის პერსპექტივები:

“უამრავი საკითხი განვიხილეთ, რა თქმა უნდა იყო ორმხრივი ურთიერთობების ანალიზი, გაღრმავება, ამის პერსპექტივები, განსაკუთრებით ეკონომიკურ კონტექსტში, ვაჭრობა, რეგიონული და არა მხოლოდ რეგიონული, აგრეთვე გლობალური პროექტები, მათში საქართველოს ფუნქცია და როლი, გერმანიის შესაძლებელი მონაწილეობა“, - განაცხადა საქართველოს პრემიერ-მინისტრის მრჩეველმა საგარეო ურთიერთობის საკითხებში თედო ჯაფარიძემ.