"დააბრუნეთ მეორე მოსმენაზე, ჩვენ დაგიჭერთ მხარს"- ბოკერია კონსტიტუციის საპარლამენტო განხილვაზე

პოლიტიკა - 14:50, 26 Sep, 2017

1443

ევროპული საქართველოს ლიდერის გიგა ბოკერიას თქმით იმმის მიუხედავად, რომ ხელისუფლება ვენეციის კომისიის რეკომენდაციების გათვალისწინების პირობას დებდა, მან არცერტი რეკომენდაცია არ გაითვალისწინა და მოატყუა, როგორც ქართული საზოგადოება, ასევე ვენეციის კომისიაც. ბოკერიამ მმართველ გუნდს შესთავაზა, რომ საკონსტიტუციო პროექტი მეორე მოსმენაზე დაებრუნებინათ და პირობა მისცა, რომ ამაში მისი გუნდიც დაუჭერდა მხარს:

„თქვენ თუ ისევ გადაგდებას არ აპირებთ ქართული საზოგადოების, საკუთარი თანაგუნდელების და ვენეციის კომისიის, ახლა რატომ ამთავრებთ. რატომ არ შეგაქვთ ის ცვლილება? სად გეჩქარებათ მაინტერესებს. ვის გაუგია? დააბრუნეთ მეორე მოსმენაზე, ვინ გიშლით ხელს? ჩვენ დაგიჭერთ მხარს. ვინმე თუ ისეთი თავნება გყავთ რომ ხმები არ გყოფნით, გარანტიას გაძლევთ 21 ხმის. აბა რისთვის უგზავნიდით ვენეციის კომისიას. ჯერ ერთი ვარიანტი გაუგზავნეთ, გადააგდეთ, მეორე ვარიანტი მიიღეთ, მერე ორი მოსმენის შემდეგ გაუგზავნეთ და ველოდებით დასკვნასო, მოგივიდათ დასკვნა და არაფერს ითვალისწინებთ. თქვენი სიტყვები მახსოვს, რომ ყველა სამართლებრივ შენიშვნას გავითვალისწინებთო და არცერთს არ ითვალისწინებთ რაც მოვიდა“- განაცხადა გიგა ბოკერიამ.