საქართველოს უმაღლეს საკანონმდებლო ორგანოში რიგგარეშე სხდომა დაიწყო. დეპუტატები დღეს მესამე მოსმენით საკონსტიტუციო ცვლილებების მიღებას გეგმავენ, კენჭისყრაში მონაწილეობას მხოლოდ საპარლამენტო უმრავლესობა მიიღებს. სხდომა პარლამენტთან აქციის ფონზე მიმდინარეობს. ოპოზიციური პარტიები ერთპარტიული კონსტიტუციის მიღებას აპროტესტებენ.

პარლამენტთან იმყოფება „ნაციონალური მოძრაობის“ თბილისის მერობის კანდიდატი, რომელმაც „ნიუპოსტთან“ საუბრისას განაცხადა, რომ თუ მმართველი გუნდი მიიღებს ერთპარტიულ კონსტიტუციას, არ არის გამორიცხული ფართომასშსტაბიანი აქციებიც:

„დღეს ქართული ოცნება ერთპარტიულად იღებს თავის თავზე მორგებულ კონსტიტუციას, საბოლოო ჯამში გამოვიდა ის, რომ ერთ მხარეს დგას თავის კონსტიტუციით ქართული ოცნება და მეორე მხარეს საზოგადოება, არასამთავრობოები, პრეზიდენტი და ყველა ერთად ვინც აპროტესტებს მათ შექმნილ დოკუმენტს, მათ მიერ მიერ შექმნილ არსებულ მოდელს, რაც ქმნის პოლიტიკურ კრიზისს ქვეყანაში, მათ მიერ ამ ერთპარტიულად მიღებულ კონსტიტუციას ქვეყანაშსი კარგი არაფერი მოყვება, დღევანდელი შეკრება სწორედ ამის დასადასტურებელია, ჩვენ არ შევწყვეტთ პროტესტს, სანამ არ მივალთ საბოლოო შსედეგამდე, ქართველი ხალხი არ უნდა იყოს დამოკიდებული ქართული ოცნების მიერ თავზე მორგებულ კონსტიტუციაზე, ეს პროტესტი აუცილებალდ გაგრძელდება თუ საჭირო იქნება ფართომასშტაბიან აქციებსაც დავიწყებთ“, - განაცხადა ზაალ უდუმაშვილმა.