საპარლამენტო უმრაფვლესობა რიგგარეშე სწხდომაზე დრეს საკონსტიტუციო ცვლილებების მესამე მოსმენით მირებას გეგმავს. პარლამენტთან ოპოზიციური პარტიები აქციას მართავენ. „ერთიანი ნაციონალური მოძრაობის“ წევრის ნიკა რურუას განცხადებით, ერთი პარტიის მიერ მიღებული კონსტიტუცია აუცილებლად შეიცვლება:

„ჩვენი პროტესტის ძირითადი მიზანი არის „ქართული ოცნების“ იმ გაუკუღმართებული კონსტიტუციის მიღების პროცესის დაგმობა, რომლის მიღებასაც ისინი დღეს მესამე მოსმენით აპირებენ.ეს პროცესი არ არის არც კონსესუსის, არც თანხმობის არც საერთო შეთანხმების შედეგი, როგორიც უნდა იყოს კონსტიტუცია. კონსტიტუცია არ უნდა მიიღებოდეს ერთპარტიულად, ეს უნდ მიიღებოდეს საყოველთაო განხილვების შედეგად. რადგან კონსტიტუცია არეგულირებს ყველას უფლებებს, ის იცავს ყველას უფლებებს, ერთმა პოლიტიკურმა ჯგუფმა, იმიტომ რომ მას ყველაზე მეტი მანდატები აქვს, არ შეიძლება მოახვიოს ქვეყანას და ხალხს თავს იგი, ამას ვაფიქსირებთ დღევანდელი აქციით, ეს კონსტიტუცია აუცილებლად შეიცვლება“, - განაცხადა ნიკა რურუამ.