საქართველოს პრემიერ-მინისტრმა გიორგი კვირიკაშვილმა კონსტიტუციის ცვლილებების პროექტზე ისაუბრა. მისი თქმით, ეს არის სახალხო განხილვების შედეგად მიღებული დოკუმენტი.

„დოკუმენტი, რომელიც ჩვენ მივიღეთ, არის ვენეციის კომისიის მიერ შეფასებული, როგორც დოკუმენტი, რომელიც ეფუძნება დემოკრატიის, სამართლებრივი სახელმწიფოს და ძირითადი უფლებების დაცვის პრინციპებს. ვენეციის კომისიამ ეს დოკუმენტი შეაფასა, როგორც საქართველოს დემოკრატიული განვითარების წინ გადადგმული ნაბიჯი. უპრეცენდენტო, საერთო-სახალხო განხილვებისა და ჩართულობის შედეგად შემუშავდა ეს დოკუმენტი. სამწუხაროდ, ოპოზიცია ცდილობს, წარმოაჩინოს, რომ ეს არის ერთი პარტიის დოკუმენტი, რაც სავსებით არ არის. ჩვენ მომსწრე ვართ იმ პარტიების მმართველობის პერიოდში, რომლებიც დღეს ჩვენ გვაკრიტიკებენ ე.წ. კონსესუსის ნაკლებობის თუ არ ქონის გამო, კონსტიტუციების ისე მიღებას, როცა მსგავსიც კი არაფერი ყოფილა საქართველოში ასეთი განხილვების სახით," - განაცხადა გიორგი კვირიკაშვილმა.