შარტავას ქუჩაზე დაჭრილი მამაკაცის ჯანმრთელობის მდგომარეობა კრიტიკულად მძიმეა, ის რესპუბლიკური საავადმყოფოს რეანიმაციულ განყოფილებაში, მართვით სუნთქვაზე იმყოფება. გავრცელებული ინფორმაციით, მას ჭრილობა საკუთარი ცეცხლსასროლი იარაღით, თავის არეში აქვს მიყენებული.

მძიმედ დაჭრილი მამაკაცი, შინაგან საქმეთა სამინისტროს მომსახურების სააგენტოს ადმინისტრაციის ორგანიზაციული უზრუნველყოფის სამმართველოს უფროსი ზურაბ ტაკიძეა.

დეტალები, თუ რა მოხდა შარტავას 35 ნომერში, ამ დრომდე უცნობია. ახლობლები თვითმკვლელობის მცდელობის ვერსიას გამორიცხავენ.

შსს-ს ინფორმაციით გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. ტაკიძე საკუთარი სახლის სადარბაზოს მეოთხე სართულზე დაჭრილი გუშინ იპოვეს.