”ნაციონალური მოძრაობის” წევრის სალომე სამადაშვილის თქმით, "მომავალში სასამართლოს მიმართავენ, თუკი მინდია ჯანელიძე გაბედავს და პასუხს არ გასცემს დეპუტატის შეკითხვას".

საგარეო საქმეთა მინისტრს ამ წუთებში პარლამენტში უსმენენ.

”მომავალში ჩვენ სასამართლოს მივმართავთ, თუკი ბატონი მინისტრი გაბედავს და პასუხს არ გასცემს დეპუტატის შეკითხვას. მან მიიღო შეკითხვა ჩემგან, რომელიც დღემდე პასუხგაუცემელია. თქვენ, როგორც ჩანს, არ გესმით საკუთარი ვალდებულებები და ანგარიშვალდებულება ქართველი ხალხის წინაშე, მათ შორის ჩვენს წინაშეც, რომელიც წარმომადგენლები ვართ ქართველი ხალხის პარლამენტში. მე გირჩევთ, დაიქირავოთ ვინმე მრჩეველი, ვინც განგიმარტავთ ვალდებულებებს და მომავალში თავიდან აირიდოთ უსიამოვნო სასამართლო პროცესები, თუკი კიდევ გაბედავთ იგნორირებას ჩვენი შეკითხვების”, - მიმართა მინისტრს სამადაშვილმა.