მიხეილ სააკაშვილი დღეს კიევში მორიგ განცხადებას გააკეთებს

პოლიტიკა - 10:20, 25 Sep, 2017

1275

მიხეილ სააკაშვილი დღეს კიევში ქალაქ გლუხოვის მერთან ერთად ჩავა და მორიგ განცხადებას გააკეთებს.
პარტია “ახალ ძალთა მოძრაობის ცნობით, მიხეილ სააკაშვილი მხარდამჭერებთან ერთად მინისტრთა კაბინეტის შენობასთან სიტყვით, ადგილობრივი დროით 10 საათზე გამოვა.

ქალაქში გამართულ შეხვედრებსა და საზღვრის გადაკვეთის შესახებ მიმდინარე სასამართლო პროცესზე სააკასვილმა ტელეკომპანია „NEWS ONE”-ის პირდაპირ ეთერში ისაუბრა. გადაცემაში სტუმრად ქალაქ ჩერკასისა და გლუხოვის მერებიც იყვნენ.

„ეთერში გავიდა რუსი პრანკერების საუბარი მოსამართლესთან. მას ეგონა, რომ პრეზიდენტის ადმინისტაციის წარმომადგენელს ესაუბრებოდა და მიღებული დავალებების შესრულების პირობა დადო. ეს მოსამართლე ციხეში ინდა იჯდეს და ეს ასეც მოხდება, როგორც ყველა გაყიდული მოსამართლეს შეთხვევაში. იმისთვის, რომ 130 დოლარით დავეჯარიმებინე, დიდი ფინანსური რესურსები გახარჯეს, რადგან ამ საქმეში საზღვრის დაცვის არაერთი წარმომადგენელი იყო ჩართული.

ჩერკასში რამდენიმე პოლიტიკური პარტიის წარმომადგენელთან გაიმართა შეხვედრები. იმყოფებოდნენ სხვადასხვა პოლიტიკური ძალები. ჩვენ ვისაუბრეთ იმაზე, რომ ახლა თუ არ გავერთიანდით თუ არ დავასრულეთ ხელისუფლების თავგასულობა თუ არ გავესაუბრეთ მოსახლეობას და მათი მკაფიო მოთხოვნები არ გადავეცით კიევს, ჩვენ არ გვექნება შემდეგი არჩევნები. ზოგიერთ ჩვენგანს მოქალაქეობას წაართმევენ, ზოგიერთს ქვეყნიდან გააძევებენ, თანამდებობიდან გადააყენებენ ან უბრალოდ შანტაჟს მოუწყობენ,” - განაცხადა მიხეილ სააკაშვილმა.