ამერიკის შეერთებული შტატების საპრეზიდენტო არჩევნებში რუსეთის შესაძლო ჩარევასთან დაკავშირებით მარკ ცუკერბერგი სპეციალურ განცხადებას ავრცელებს. facebook-ის დამაარსებლის თქმით, კომპანიამ გამოძიების ფარგლებში კონგრესთან თანამშრომლობა დაიწყო.

ეს განცხადება მარკ ცუკერბერგმა დეკრეტული შვებულებიდან გამოსვლიდან პირველივე დღეს გააკეთა.

ცუკერბერგმა აღნიშნა, რომ იგი მუშაობს მეთოდებზე, რომლებიც ხელს შეუშლის facebook-ში ყალბი გვერდების შექმნას, არჩევნებში ჩარევის მცდელობებსა და სხვა სახის დარღვევების განხორციელებას.

facebook-ი აპირებს პოლიტიკური რეკლამა უფრო გამჭვირვალეს გახადოს და მომხმარებელს შესაძლებლობა ექნება ნახოს, თუ ვინ გადაიხადა თანხა.

კომპანია დამატებით 250 თანამშრომელს აიყვანს, რომლებიც არჩევნების სამართლიანობაზე იმუშავებენ. facebook მთელს მსოფლიოში საარჩევნო კომისიებთან პარტნიორობასაც გააძლიერებს.