საკონსტიტუციო რეფორმა და ვენეციის კომისიის დასკვნა - აღნიშნულ საკითხზე ორი დღეა პოლიტიკურ სპექტრში მწვავე განცხადებები კეთდება. ვენეციის კომისსიამ გუშინ გამოაქვეყნა დასკვნა, რომელსაც მმართველი გუნდი დადებითს უწოდებს, ოპოზიცია კი უმრავლესობას საზოგადოების შეცდომაში შეყვანაში ადანაშაულებს.

„ეროვნულ-დემოკრატიული პარტიის“ ლიდერი ბაჩუკი ქარდავა აცხადებს, რომ ვენეციის კომისია საკუთარ დასკვნაში აცხადებს, რომ პროპორციულ სისტემასთან დაკავშირებით მიღებული გადაწყვეტილება არის ნეგატიური, ეს კი კონტიტუციის მუშაობას ხელს შეუშლის:

„ალბათ უფრო სურთ, რომ პოზა დაიჭირონ, თითქოს ყველაფერი რიგზეა, არა ბატონებო, პროპორციულ სისტემასთან დაკავშირებით, ვენეციის კომისიამ გარკვევით დააფიქსირა, რომ ეს არის ნეგატიური გადაწყვეტილება და ეს აუცილებლად შეუქმნის პრობლემას ამ კონსტიტუციის მუშაობას, იმიტომ, რომ არ არის კონსესუსი“, - აცხადებს ბაჩუკი ქარდავა.