,,2020 წლისთვის პროპორციულ სისტემაზე გადასვლა შეუძლებელი გახდა ოპოზიციის არასათანადო მზადყოფნის გამო“

პოლიტიკა - 13:34, 22 Sep, 2017

1157

საქართველოს პარლამენტის თავმჯდომარის თქმით 2020 წლისთვის პროპორციულ საარჩევნო სისტემაზე გადასვლა ოპოზიციის არასათანადო მზადყოფნის გამო გახდა შეუძლებელი. როგორც ირაკლი კობახიძემ განაცხადა ოპოზიციას კონტრპროდუქტიული დამოკიდებულება ქონდა და მზად არ იყო, მხარი დაეჭირა საკონსტიტუციო ცვლილებებისთვის იმ პირობებშიც კი, თუ ქვეყანა პროპორციულ საარჩევნო სისტემაზე 2020 წელს გადავიდოდა.

„2020 წლისთვის პროპორციულ არჩევნებზე გადასვლა შეუძლებელი გახდა კონკრეტული გარემოებების გამო, მთავარი გარემოება იყო ოპოზიციის არასათანადო მზადყოფნა, რომ მხარი დაეჭირა საკონსტიტუციო ცვლილებებისთვის იმ პირობებშიც კი, თუ ჩვენ პროპორციულ საარჩევნო სისტემაზე 2020 წელს გადავიდოდით. მსგავსი კონტრპროდუქტიული დამოკიდებულების პირობებში, 2020 წლისთვის პროპორციულ სისტემაზე გადასვლა ბუნებრივია, შეუძლებელი გახდა და ამის შესახებ ოპოზიციურმა პარტიებმა მანამდეც იცოდნენ. ჩვენთვის პროპორციულ სისტემაზე გადასვლა პრინციპულად მნიშვნელოვანი იყო და ეს მიზანი მიღწეულია. მართალია, შემდეგი არჩევნები შერეული სისტემით ჩატარდება , მაგრამ 2020 წლის ნოემბერში საკონსტიტუციო ცვლილებები სრულფასოვნად ამოქმედდება და 2020 წლის შემდეგ, არჩევნები ჩატარდება სრულად პროპორციული სისტემით",- განაცხადა კობახიძემ.