„ქართული ოცნების“ სარეკლამო კლიპი - ოპოზიცია თბილისის მერიის ვიდეორგოლს აფასებს

პოლიტიკა - 19:16, 21 Sep, 2017

3334

ოპოზიცია მმართველ გუნდს წინასაარჩევნოდ ადმინისტრაციული რესურსების გამოყენებაში ადანაშაულებს.

სარეკლამო ვიდეო რგოლზე, რომელიც მერიის დაკვეთითაადამზადებული და მერიისვე დაფინანსებით ქართულ ტელესივრცეში მოხვდა. რგოლი საზოგადოებისათვის მნიშვნელოვანი ინფორმაციის გავრცელების მოტივითაა შექმნილი, თუმცა მასში ნაჩვენებია ობიექტები რომელთა მშნებელობა-რეაბილიტაცია „ქართული ოცნების“ მმართველობის პერიოდში განხორციელდა. რამდენადაც ვიდეო რგოლი არ ახდენს მოქალაქეთა ინფორმირებას გარკვეული სიახლეების ან გადაუდებელი გარემოებების შესახებ, არასამთავრობო სექტორში მიაჩნიათ, რომ მერია კონტექსტუალურად სწორედ "ქართული ოცნების" კამპანიას აფინანსებს.

„გაყალბება მიმდინარეობს, გაყალბების პროცესი არ არის მხოლოდ საარჩევნო დღეს, არამედ ისიც, თუ როგორ გამოიყენება წინასაარჩევნო პერიოდში, პირველ რიგში, ადმინისტრაციული რესურსი სახელისუფლებო პარტიის მხრიდან. ეს არის „ქართული ოცნების“ სარეკლამო კლიპი,“ - განაცხადა ”ერთიანი ნაციონალური მოძრაობის” პოლიტიკური საბჭოს წევრმა, ნინო კალანდაძემ.

”ევროპული საქართველო - მოძრაობა თავისუფლებისთვის” წევრი, ირაკლი აბესაძე აცხადებს, რომ ამ რგოლით, ხელისუფლება საკუთარი საქმიანი იმიჯის შექმნას ცდილობს.

„ღიმილის მომგვრელია, თბილისის მმართველი გუნდი მოსახლეობას მხოლოდ ბრიყვული გამონათქვამებით თუ გამოადგება და ნამდვილად არა გაკეთებული საქმეებით,“ - განაცხადა ირაკლი აბესაძემ.

მმართველ გუნდში კი ამბობენ, რომ ისინი საარჩევნო კამპანიას კანონის სრული დაცვით ახორციელებენ.

„ეს არ არის ადმინისტრაციული რესურსის გამოყენება და ჩვენ კანონის სრული დაცვით ვახორციელებთ ჩვენს წინასაარჩევნო კამპანიას,“ - აცხადებს მმართველი გუნდის საარჩევნო სია საპარლამენტო უმრავლესობის ლიდერმა, ფრაქცია ”ქართული ოცნების” წევრი, არჩილ თალაკვაძე.