"ამას დიდი ყურადღება არ უნდა მივაქციოთ"- ყოფილი ევროპარლმენტარის პროსეპარატისტულ განცხადებებს იანოშ ჰერმანი გამოეხმაურა

პოლიტიკა - 18:12, 21 Sep, 2017

977

ევროკავშირის ელჩი იანოშ ჰერმანი, ყოფილი ევროპარლამენტარის ჯულიეტო კიეზას ცხინვალის რეგიონსი ჩასვლას და იქ გაკეთებულ განცხადებებს გამოეხმაურა. იანოშ ჰერმანის თქმით საქართველოს ტერიტორიულ მთლიანობასთან დაკავშირებით ევროკავშირის პოზიცია უცვლელია, მსგავს განცხადებებს კი არავითარი მნიშვნელობა არ აქვთ.

„მინდა გამოვეხმაურო ბატონ კიეზას განცხადებას, მან მსგავსი კომენტარები გააკეთა წარსულში და სავარაუდოდ იგივეს იტყვის მომავალშიც, თუმცა მის სიტყვებს არანაირი ეფექტის მოხდენა არ შეუძლია და არ ვფიქრობ, რომ ამას დიდი ყურადღება უნდა მივაქციოთ. ევროპარლამენტის დღის წესრიგს ევროპარლამენტის წევრები ადგენენ და მინდა შევახსენო, რომ გუშინ საქართველო-ევროკავშირის საპარლამენტო ასოცირების კომიტეტის სხდომაზე მკაფიოდ დაფიქსირდა ევროკავშირის პოზიცია, რაც ითვალისწინებს საქართველოს სრულ მხარდაჭერას სუვერენიტეტისა და ტერიტორიული მთლიანობის საკითხებში და ამას ვერანაირი განცხადებები ვერ შეცვლის.“- განაცხადა ჰერმანმა.

შეგახსენებთ, ყოფილი ევროპარლმენტარი, იტალიელი ჟურნალისტი ჯულიეტო კიეზა, 19 სექტემბერს ოკუპირებული ცხინვალის რეგიონში იმყოფებოდა. კიეზამ დე ფაქტო ხელისუფლების წარმომადგენლებთან შეხვედრისას ე.წ სამხრეთ ოსეთის დამოუკიდებლობის აღიარებაზე ისაუბრა. კიეზამ ასევე განაცხადა, რომ შეეცდება მიიწვიოს სამხრეთ ოსეთის დე ფაქტო პრეზიდენტი ბრიუსლეში, რათა ანატოლი ბიბილოვი გამოვიდეს ევროპარლამენტში და ევროპარლამენტარებს თავად მიაწოდოს ინფორმაცია, თუ რას წარმოადგენს მისი რესპუბლიკა, ისტორია და ხალხი