" დაისაჯა მხოლოდ იმის გამო, რომ არის ჩემი შვილი" - ელისო კილაძე საქმეში მონაწილე პოლიციელების გათავისუფლებას ითხოვს

პოლიტიკა - 18:05, 20 Sep, 2017

1659

"ქრონიკა პლუსის" მთავარი რედაქტორი ელისო კილაძე თვლის, რომ შს მინისტრმა გონიერი გადაწყვეტილებას უნდა მიიღოს და ყველა იმ პირს გაათავისუფლებს, ვინც მისი შვილისთვის ნარკოტიკების ჩადებაში მონაწილეობდა.

კილაძის თქმით, სასამართლომ განაჩენით თქვა, რომ ხარშილაძე "უდანაშაულოა და მას ნარკოტიკი ჩაუდეს".

"არ ვიცი მოსამართლის გადაწყვეტილების საფუძველი რა არის. ეს არის არასაკმარისი მტკიცებულებები თუ საერთოდ მტკიცებულებების არ არსებობა. მე იმედს ვიტოვებ, რომ შს მინისტრი თავის გადაწყვეტილებებში ამჯერად გონიერი იქნება და ყველა ის პირი, რომელიც ჩემი შვილის წინააღმდეგ დაგეგმილ ოპერაციაში მონაწილეობდა, სამსახურიდან გათავისუფლდება და დაისჯება. უნდა შეიქმნას პრეცედენტი იმისა, რომ უკანონო ბრძანების გამცემი და შემსრულებელი დაისაჯოს 6 თვის განმავლობაში ვამტკიცებდი, რომ ჩემი შვილი არის უკანონო პატიმარი, მას ნარკოტიკები ჩაუდეს და დაისაჯა მხოლოდ იმის გამო, რომ არის ჩემი შვილი და გაზეთ "ქრონიკა+"-ის თანამშრომელი. შინაგანად ველოდი ამ გადაწყვეტილებას, რადგან საქმეს სამართლებრივი საფუძველი არ ჰქონდა. 2 პოლიციელის გარდა საქმეში არ იყო არც ერთი მტკიცებულება და არსებობდა ვიდეომასალა, რომელიც მკაფიოდ ადასტურებდა, რომ შსს-ს მაღალჩინოსანი, რამაზ თარაშვილი პირადად ხელმძღვანელობდა ჩემი შვილის დაკავების ოპერაციას. მადლობა მინდა ვუთხრა პირველ რიგში სასამართლოს, რომ ის პოლიტიკური ზეგავლენებისგან აშკარად თავისუფალია. ამის პირველი ნიშანი იყო, რომ მოსამართლე ხათუნა ხარჩილავამ საკუთარი ინიციატივით გადახედა აღკვეთის ღონისძიებას და გაათავისუფლა ჩემი შვილი პატიმრობიდან და გამოჩნდა დღევანდელი გადაწყვეტილებით, როდესაც თავისუფალმა მოსამართლემ მიიღო გადაწყვეტილება დავით ხარშილაძის გამართლების და დაადადტურა ის, რასაც 6 თვის განმავლობაში ვამტკიცებდი", - აღნიშნა ელისო კილაძემ.