"კახი კალაძე ვარსკვლავების მატჩში მონაწილეობით არ აპირებს საარჩევნო კამპანიის გაკეთებას"- თალაკვაძე

პოლიტიკა - 12:06, 20 Sep, 2017

1670

კახა კალაძის საარჩევნო შტაბის ხელმძღვანელის, საპარლამენტო უმრავლესობის ლიდერის არჩილ თალაკვაძის თქმით მსოფლიო ფეხბურთის ვარსკვლავების მატჩში კახა კალაძის მონაწილეობა, საარჩევნო კამპანიის ნაწილად არ შეიძლევა ჩაითვალოს, რადგან ამ მატჩით არ ხდება პოლიტიკური აგიტაციას ან წინასაარჩევნო პროპაგანდა. აღნიშნული განცხადება თალაკვაძემ იმ პრეტენზიების საპასუხოდ გააკეთა, რომელიც „ქართული ოცნების“ თბილისის მერობის კანდიდატის ვარსკვლავურ მატჩი მონაწილეობასთან დაკავშირებით გამოითქვა.

„ბიუჯეტის თანხები არ იხარჯება და ჩვენი კანდიდატი კახი კალაძე და ჩვენი პარტია ამ მატჩში მონაწილეობით არანაირ პოლიტიკურ აგიტაციას ან წინასაარჩევნო პროპაგანდას არ ეწევა. უკმაყოფილება, რომელიც ამ საქველმოქმედო მატჩთან დაკავშირებით გამოითქვა, არის ოპოზიციური პარტიების უკმაყოფილება და ჩვენი საარჩევნო კამპანიისადმი მათი დამოკიდებულება.“ - განაცხადა არჩილ თალაკვაძემ.

შეგახსენებთ, 29 სექტემბერს, საქართველოს ფეხბურთის ვარსკვლავები ეწვევიან და საქველმოქმედო მატჩში მიიღებენ მონაწილეობას. „მსოფლიოს XI“ მატჩის მასპინძელ „GFF –XI“-ს დაუპირისპირდება. საქველმოქმედო მატჩიდან შემოსული თანხა ხანძრის შედეგად განადგურებული ბორჯომის ტყის აღდგენას მოხმარდება.

გავრცელებული ინფორმაციით, საქართველოში ჩამოდიან მსოფლიო ფეხბურთის ისეთი ვარსკვალავები, როგორიც არიან ფრანჩესკო ტოტი, კარლეს პუიოლი, რივალდო, დიდა, ანდრეი შევჩენკო, ხავიერ ძანეტი, ზვონიმირ ბობანი, სერჟინიო, პაოლო მალდინი, ლუკა ტონი,ალესანდრო კოსტაკურტა, ერნან კრესპო, დინო ბაჯო, მასიმო ამბროზინი, მასიმო ოდო, ვინსენტ კანდელა, მარეკ იანკულოვსკი, დემეტრიო ალბერტინი, მარკო დელვეკიო, სებასტიან ფრეი, ანჯელო დი ლივიო, ენრიკო ანონი, კრისტიან აბიატი, სებასტიანო როსი, ჯუზეპე ფავალი, მაურო ტასოტი, ანჯელო კარბონე, ივან კორდობა, დარიო შიმიჩი, იბრაჰიმ ბა და პიეტრო ვერხოვოდი