ხმაური და დაპირისპირება პარლამენტთან- პოლიციამ ბეჟან გუნავა დააკავა

პოლიტიკა - 09:31, 20 Sep, 2017

2120

„პატრიოტთა ალიანსის“ სამგორის რაიონის მაჟორიტარობის კანდიდატი პარტიის მიერ გამართულ აქციაზე დააკავეს.
მას წინააღმდეგობის გაწევისა და წვრილმა ხულიგნობას ედავებიან.

ხმაური და დაპირისპირება თბილისის პარლამენტის შენობასთან ბანერის დადგმას მოჰყვა, რის საშუალებასაც აქციის მონაწილეებს პოლიცია არ აძლევდა, თუმცა საბოლოოდ პარტიის წევრებმა ბანერი ნებართვით მაინც განათავსეს.

„ძალიან სამწუხაროა, რომ ექსცესები ახლდა ამას თან. მაგრამ მნიშვნელოვანია აქ გადაწყვეტილება. მე საჯაროდ მივმართე შინაგან საქმეთა მინისტრს, მივმართე „ქართული ოცნების“ წარმომადგენლებს, რომ ჩვენთვის არ შეექმნათ დაბრკოლება ამ ბანერის განთავსებისას. კონსტიტუცია საქართველოს მოქალაქეებს ანიჭებს უფლებას, საჯაროდ გამოაქვეყნონ მათ მოთხოვნები,“-განაცხადა ირმა ინაშვილმა.

გუნავა, გვიან ღამით სახალხო დამცველის აპარატის თანამშრომელმა მოინახულა.

დაკავებულის მდგომარეობა მან ადგილზე მისულ პარტიის წევრებს გააცნო.

ფრაქცია ”საქართველოს პატრიოტების” თავმჯდომარის გიორგი ლომიას განცხადებით, ბეჟან გუნავას სხეულზე დაზიანებები აღენიშნება, რომელიც დაკავების დროს მიიღო.