მსოფლიო ფეხბურთის ვარსკვლავების საქველმოქმედო მატჩში კახა კალაძეც ითამაშებს

პოლიტიკა - 17:52, 19 Sep, 2017

1703

მსოფლიო ფეხბურთის ვარსკვლავების საქართველოში ჩამოსვლის ფაქტი, საზოგადოების ნაწილმა კახა კალაძის წინასაარჩევნო კამპანიას დაუკავშირა, კახა კალაძე უარყოფს ფეხბურთელების ვიზიტსა და მის საარჩევნო კამპანიას შორის კავშირს, თუმცა აცხადებს, რომ საქველმოქმედო მატჩში, რომელიც ბორჯომის ტყის აღდგენის მიზნით ტარდება, მონაწილეობას თავადაც მიღებს:

„იურიდიულად იდგა საკითხი, შევძლებდი თუ არა მონაწილეობას, იმის გამო რომ საარჩევნო კამპანიაში ვარ. დადასტურებულად შემიძლია ვთქვა, რომ მე მივიღებ მონაწილეობას, რაც ჩემთვის მართლაც სასიამოვნოა , რადგან ფეხბურთი ჩემთვის ყველაფერია, თუ რამე წარმატება გამაჩნია და შევქმენი ამ სპორტის დამსახურებაა. მთხოვეს ამ ადამიანებთან დაკავშირება, მე დღემდე არავისთან კონტაქტი არ გამიწყვეტია, 10 წლის განმავლობაში თანაგუნდელები ვიყავით, ერთად მივაღწიეთ წარმატებას, მე მთხოვეს და დავუკავშირდი, ეს იყო ჩემი ფუნქცია მხოლოდ.“- განაცხადა კახა კალაძემ.

მისი თქმით, ეს არ შეიძლება საარჩევნო კამპანიის ნაწილად ჩაითვალოს.

შეგახსენებთ, 29 სექტემბერს, საქართველოს ფეხბურთის ვარსკვლავები ეწვევიან და საქველმოქმედო მატჩში მიიღებენ მონაწილეობას. მატჩი, „დინამო არენაზე“, 29 სექტემბერს, 21:00 საათზე გაიმართება. „მსოფლიოს XI“ მატჩის მასპინძელ „GFF –XI“-ს დაუპირისპირდება. საქველმოქმედო მატჩიდან შემოსული თანხა კი, ხანძრის შედეგად განადგურებული ბორჯომის ტყის აღდგენას მოხმარდება.