"პირველი არხის" ინფორმაციით, ახალციხის რეფერალურ ჰოსპიტალში, ღებინებით, მუცლის ტკივილითა და მაღალი სიცხით, ბავშვები შეიყვანეს, ყველა მათგანი საბავშო ბაღების აღსაზრდელია.

როგორც პირველ არხს ახალციხის ბაღების გაერთიანების ხელმძღვანელმა მანანა ბერიძემ განუცხადა, ამ დრომდე საავადმყოფოში 16 ბავშვი რჩება.

ახალციხის საზოგადოებრივი ჯანდაცვის ცენტრმა მუნიციპალიტეტში არსებულ რვავე ბაღში ვითარების შესწავლა უკვე დაიწყო.

მანანა ბერიძის ინფორმაციით, ქალაქში მოქმედ რვა საბავშვო ბაღში, იმ ბავშვებს შორის, რომლებიც დღეს ბაღში არ გამოცხადდნენ, კლინიკური ნიშნები 68–ს აღენიშნება. ბავშვებს სიმპტომები რამდენიმე დღის წინ დაეწყოთ.