საკონსტიტუციო ცვლილებები - მმართველი გუნდი პრეზიდენტის შესაძლო ვეტოზე საუბრობს

პოლიტიკა - 14:17, 18 Sep, 2017

947

საკონსტიტუციო ცვლილებებთან დაკავშირებით, საპარლამენტო უმრავლესობაში ფიქრობენ, რომ პრეზიდენტი ცდილობს, მოიპოვოს ოპოზიციური პარტიების მხარდაჭერას და შემდეგ კი შენიშვნები ვეტოს სახით იქნება წარმოდგენილი. ამის შესახებ განცხადება დღეს, პარლამენტის საპროცედურო კომიტეტის თავმჯდომარემ, გიორგი კახიანმა გააკეთა.

„კონსტიტუციური კანონის პროექტს, რომელიც პრეზიდენტს უნდა შენიშვნების სახით წარმოადგინოს, ძალიან დიდი ალბათობით ექნება ვენეციის კომისიის სამართლებრივი შენიშვნები, თუნდაც პრეზიდენტის არჩევის ნაწილში. მე ვფიქრობ, რომ პრეზიდენტი ამ ფორმით, ვინაიდან მას ძალიან კარგად აქვს გათვიცნობიერებული, რომ ორი მოსმენით მიღებული კანონის პროექტი ვენეციის კომისიის მხრიდან იქნება მხარდაჭერილი, ამ ფორმით ცდილობს ოპოზიციური პოლიტიკური ჯგუფების მხარდაჭერას და შემდეგ ძალიან დიდი ალბათობით ის პროექტი, რაზეც ისინი საუბრობენ, იქნება ვეტოს სახით წარმოდგენილი,“ - განაცხადა გიორგი კახიანმა.

,,გარკვეული მედიასაშუალებების მიზანია, ეს თემა გადაიყვანონ სკანდალურ ფორმატში. ჩვეულებრივი ამბავია - პრეზიდენტს სხვა შეხედულება აქვს, შეიძლება ვეტოსაც გამოიყენებს. თუმცა მე ვფიქრობ, რომ ლოგიკური არ არის ერთი პოლიტიკური გუნდის მხარდაჭერა, როცა მეორე მხარეს არანაკლებ სეზიოული გუნდი დგას, ხუთი პარტიის შემადგენლობით“ -აცხადებს გია ვოლსკი