"მე მეშინოდა რომ ელეს, ჩემს შვილს არ ვაწყენინო თქო და დღეს ის აღარ არის ცოცხალი"

"მე მეშინოდა რომ ელეს, ჩემს შვილს არ ვაწყენინო თქო და დღეს ის აღარ არის ცოცხალი" - ე.წ. ლურჯი ვეშაპის მორიგი მსხვერპლი

სოც.მედია - 10:22, 18 Sep, 2017

5123

ნანა ბერძენიშვილის ქალიშვილი ცოტა ხნის წინ ინტერნეტ-თამაშ "ლურჯ ვეშაპს" ემსხვერპლა . შვილდაკარგული დედა ფეისბუკზე განცხახდებას ავრცელებს და მშობლებს შვილების დაცვისკენ მოუწოდებს.
"არ ვიზიარებ მოსაზრებას, რომ ინტერნეტი არის ბოროტება, თუმცა ბოროტმოქმედები მას იყენებენ სხვადასხვა საზარელი გეგმის განხორციელებისათვის! დღეს შემხვდა ქალბატონი და მისი შვილიშვილი. ასე 11 წლის ბიჭი. გამოველაპარაკე და ვუთხარი რომ არ ითამაშო სასტიკი თამაშები თქო. არაო, დამიდასტურა. შემდეგ მისმა ბებოს მითხრა არც კი ვიცით რა ვქნათო სულ კომპიუტერი და ტელეფონი უნდა და ეზოში ძალით ჩავიყვანეო.
როცა ეს მითხრა ვიგრძენი მისი უსუსრობა, თან უნდა რომ შვილიშვილს არ აწყენინოს და თან ხვდება რომ არ შეიძლება ბავშვი სულ იქ იყოს, ონლაინ რეალობაში.
ალბათ ბევრი მშობელია ამ დილემის წინაშე. არ ვაწყენინო... და შემდეგ ეს დაშვება -რა უჭირს ბავშვი ხომ მაინც სახლშია.
უმორჩილესად გთხოვთ, თუ საჭიროდ ჩათვლით აწყენინეთ თქვენს შვილებს და შეუზღუდეთ 24 საათიანი წვდომა ინტერნეტზე. კი გაბრაზდებიან, იტირებენ და შესაძლოა სხვა უფრო მძაფრი პროტესტიც გამოხატონ. მაგრამ იცოდეთ შესაძლოა თქვენი ამ გადაწყვეტილებით მათი სიცოცხლე გადაარჩინოთ.
მე მეშინოდა რომ ელეს, ჩემს შვილს არ ვაწყენინო თქო და დღეს ის აღარ არის ცოცხალი.
არამც და არამც არ ვამბობ რომ აუკრძალოდ, უბრალოდ შეზღუდეთ და უკეთ გააკონტროლეთ.
ელენეს სახელით,
ნანა
P.S. გთხოვთ, გაავრცელეთ და თქვენს მეგობრებსაც მოუყევით" - წერს ნანა ბერძენიშვილი.

ბოლო პერიოდში საზოგადოების ყურადღების ცენტრში მოექცა ინტერნეტსივრცეში გავრცელებული თამაში „ლურჯი ვეშაპი“, რომლის ძირითად მომხმარებლებს არასრულწლოვნები წარმოადგენენ. აღნიშნული თამაში გავრცელებულია რუსეთში, დიდ ბრიტანეთსა და ევროპის სხვადასხვა ქვეყანაში. თამაშის პრინციპის თანახმად, მოთამაშე ე.წ. კურატორისგან ეტაპობრივად იღებს რამდენიმე ათეულ, სხვადასხვა შინაარსის დავალებას, რომლებიც შესაძლოა, შეიცავდეს თვითდაზიანების მიყენების მოწოდებასაც. მოზარდები ხშირად თავს იკლავენ. ძირითადად თვითმკვლელობა ხდება სიმაღლიდან გადმოხტომით