განათლების მინისტრმა სწავლის დაწყება მოსწავლეებს 143-ე სკოლიდან მიულოცა.

ვიცე პრემიერის, განათლებისა და მეცნიერების მინისტრის ალექსანდრე ჯეჯელავას ინფორმაციით, გასულ წელთან შედარებით სკოლებში პირველკლასელთა რაოდენობა გაიზარდა. მისივე თქმით, საჯარო სკოლები ახალ სასწავლო წელს ბევრი მნიშვნელოვანი სიახლით შეხვდა. ჯეჯელევას განცხადებით, სამასზე მეტ სკოლაში მოწესრიგდა ინფრასტრუქტურა და ასევე გაიხსნა 6 ახალი სკოლა.

განათლების მინისტრმა იმ ცვლილებებზეც ისაუბრა, რომელიც სკოლის ბუფეტებში კვების კონტროლს და მოსწავლეებისთვის შესვენებებზე ვაშლის დარიგებას ეხება.

„300-ზე მეტი სკოლა მოსწავლეებს დახვდება გალამაზებული, მოწესრიგებული და დასუფთავებული. ძალიან მნიშვნელოვანი სიახლეა, რომ 6 ახალი სკოლა დახვდება მოწაფეებს. დახვდებათ გაუმჯობესებული ბუფეტი ჩემო ბატონო, სადაც აღარ იქნება შაქრიანი და მარილიანი პროდუქტები, დახვდებათ სპორტული აქტივობა თვისობრივად უფრო შეცვლილი და გაუმჯობესებული, გადამზადებული მანდატურები. კონკრეტულად ვაშლები ამ შემოდგომის და ზამთრის ამბავია, მაგრამ შემდეგ პერიოდებშიც იქნება ასეთ აქტივობები, რომელიც იქნება გამიზნული ჯანსაღი ცხოვრების წესის დასანერგად,“ - განაცხადა ალექსანდრე ჯეჯელავამ.