დედაქალაქის მერის განცხადებით, პეკინის გამზირის საავტომობილო-სავალი ნაწილის რეაბილიტაცია დასრულდა, 2-3 დღეში კი ტროტუარებისა და ველობილიკების მოწყობაც დამთავრდება:

„პეკინის გამზირზე მოძრაობა აღდგენილია სრულად, დასრულდა საავტომობილო სავალი ნაწილი თავიდან ბოლომდე. 2-3 დღეში დასრულდება ტროტუარიც და საველოსიპედო ბილიკის მოწყობაც. შესაბამისად, აქაც ფეხით მოსიარულეებისთვის სრულად იქნება აღდგენილი გადაადგილება. ასე რომ, ორშაბათისთვის ყველა ძირითადი სამუშაო პეკინზე იქნება დასრულებული და მოძრაობა, როგორც ტრანსპორტისთვის, ასევე ფეხით მოსიარულეებისთვის სრულად იქნება აღდგენილი," - განაცხადა დავით ნარმანიამ.