,,აფბა“ ფონდ ,,იავნანას“ წინააღმდეგ პროკურატურას მიმართავს - ,,მასალის ავტორების უკან ბიძინა ივანიშვილი დგას“

პოლიტიკა - 23:34, 14 Sep, 2017

2433

„ახალგაზრდა ფინანსისტთა და ბიზნესმენთა ასოციაცია“ პაატა ბურჭულაძის საქველმოქმედო ფონდ „იავნანასთან“ დაკავშირებულ ჟურნალისტურ გამოძიებას ეხმაურება და საქართველოს პროკურატურას, საკითხით დაინტერესებისკენ მოუწოდებს.

ასოციაციას მიაჩნია, რომ აუცილებელია, დაიწყოს გამოძიება და ამომწურავი პასუხი გაეცეს ფონდის საქმიანობის კანონიერებასთან დაკავშირებულ კითხვებს. მაღალი საჯარო ინტერესის გათვალისწინებით, კრიტიკულად აუცილებელია, მაქსიმალურად შემჭიდროვებულ ვადებში გაირკვეს, რა მიზნებისთვის იხარჯებოდა მილიონობით ლარი, რომელსაც ქართული საზოგადოება, წლების განმავლობაში, შეჭირვებული მოსახლეობის დასახმარებლად ფონდ „იავნანას“ და მის დამფუძნებელსა პაატა ბურჭულაძეს ანდობდა.

აფბას ამ განცხადებას ეხმაურება ,,სახელმწიფო ხალხისთვის“ თავმჯდომარე ნიკა მაჭუტაძე, რომელიც აცხადებს, რომ პაატა ბურჭულაძის წინააღმდეგ აგორებული კამპანიის უკან ხელისუფლება დგას და პროკურატურისთვის მიმართვა მის პოლიტიკურ აქტიურობას უკავშირდება. მაჭუტაძემ ხაზი გაუსვა იმას, რომ პაატა ბურჭულაძე არჩევნების შემდეგ პოლიტიკური პარტიის საქმიანობაში აღარ ერევა.

არასამთავრობო ორგანიზაციმ უკვე მიმართა შოთაძის უწყებას გამოძიების დაწყების მოთხოვნით. ორგანიზაციაში აცხდებენ, რომ აქამდე არ დაინტერესებულან ფონდ იავნანას საქმიაობით და პროკურატურისთვის არ მიუმართავთ, რადგან ეჭვის საფუძველი არ გამხდარა. ანდრია გვიდიანის თქმით, მათ კარგი ჟურნალისტური გამოძიება იხილეს და მხოლოდ ამის შემდეგ დაინტერესდნენ.

,,მე უკვე მითხრეს, რომ მასალის ავტორებმა, ეს ყველაფერი მიიღეს ბიძინა ივანიშვილისგან. რა თქმა უნდა, ეს იმის დაკვეთა არის, სხვა ვინ გაბედავდა, საერთოდ ამაზე ხმის ამოღებას. ეს იმდენად სუფთა და წმინდა საქმე და კარგი საქმე კეთდება. ერთადერთი ადამიანი, ვისაც აწყობს ეს, სხვას მეტი თავში არავის არ მოუვა, თუ ეგეთ ადამიანს, როგორიც არის ბიძინა ივანიშვილი. ბიძინას მე და „იავნანა“ ერთად ვყავართ წარმოდგენილი. ეს „იავნანა“ ნერვებს უშლის,“ - აცხადებს პაატა ბურჭულაძე.

,,დაიწყო ცილისმწამებლური კამპანია პაატა ბურჭულაძის წინააღმდეგ. მე დარწმუნებული ვარ, რომ ფონდი იავნანა ამას გაასაჩივრებს და მიმართავს სასამართლოს, რომ აღიდგინოს თავისი პატივი და ღირსება. 21-ე საუკუნეში ჩვენ ვხდეავთ ადამიანის დევნის მცდელობას ბოლშევიკური მეთოდებით და ამას უკვე კამპანიური სახე აქვს. ეს არის ორკესტრირებული ხელისუფლების მიერ“- აცხადებს ნიკა მაჭუტაძე.

პროკურატურაში აცხადებენ, რომ არასამთავრობო ორგანიზაციის მიმართვის საფუძველზე, მათ ჯერ გამოძიება არ დაუწყიათ, მიმდიარეობს მოკვლევა და უახლოეს პერიოდში პროკურატურა მიიღებს გადაწყვეტილებას, დაიწყებს თუ არა ამ საქმეზე გამოძიებას.