"აშშ შეშფოთებულია საოკუპაციო საზღვართან ე.წ. „ბორდერიზაციისა“ და გამშვები პუნქტების დახურვის გამო"

"აშშ შეშფოთებულია საოკუპაციო საზღვართან ე.წ. „ბორდერიზაციისა“ და გამშვები პუნქტების დახურვის გამო" - სახელმწიფო დეპარტამენტი

პოლიტიკა - 11:55, 13 Sep, 2017

926

2017 წლის 8 სექტემბერს ვაშინგტონში საქართველო - ამერიკის შეერთებული შტატების სტრატეგიული პარტნიორობის ქარტიის კომისიის თავდაცვისა და უსაფრთხოების სამუშაო ჯგუფის მორიგი შეხვედრა გაიმართა. სახელმწიფო ტეპარტამენტმა საქართველოს ტერიტორიული მთლიანობა კიდევ ერთხელ დაადასტურა და ღრმა რუსეთს კიდევ ერთხელ მოუწოდა გაიყვანოს ჯარები საქართველოს ტერიტორიიდან.

„მხარეებმა განიხილეს უსაფრთხოების მხრივ საქართველოს ოკუპირებულ ტერიტორიებზე არსებული ვითარება. ქართულმა მხარემ სამუშაო შეხვედრის მონაწილეებს გააცნო ინფორმაცია ადგილზე არსებული საფრთხეებისა და გამოწვევების შესახებ. ამერიკულმა მხარემ დაადასტურა საქართველოს სუვერენიტეტის, დამოუკიდებლობისა და საერთაშორისოდ აღიარებულ საზღვრებში ტერიტორიული მთლიანობისადმი აშშ-ს ურყევი მხარდაჭერა. მხარეებმა კიდევ ერთხელ მოუწოდეს რუსეთს, გაიყვანოს სამხედრო ძალები საქართველოს აფხაზეთისა და სამხრეთ ოსეთის/ცხინვალის რეგიონებიდან, 2008 წლის ცეცხლის შეწყვეტის შეთანხმების შესაბამისად. ამერიკულმა მხარემ გამოხატა ღრმა შეშფოთება მიმდინარე ე.წ. „ბორდერიზაციისა“ და გამშვები პუნქტების დახურვის გამო. ამერიკის შეერთებულმა შტატებმა კიდევ ერთხელ გამოთქვა მხარდაჭერა 2016 წელს საქართველოს მოქალაქის, გიგა ოთხოზორიას მკვლელის კანონის წინაშე პასუხისგებაში მიცემის საქმეში” - აღნიშნულია აშშ-ის სახელმწიფო დეპარტამენტის განცხადებაში.