"თვითმკვლელობამდე ზარი განახორციელა" - ახალი დეტალები „საქართველოს ბანკის“ დაყაჩაღების მცდელობის ფაქტზე

შემთხვევა - 10:11, 13 Sep, 2017

12478

ახალგაზრდა მამაკაცის ცხედარი, რომელმაც ყაჩაღობის მცდელობისას სიცოცხლე თვითმკვლელობით დაასრულა, "საქართველოს ბანკის" ფილიალიდან პროზექტურაში გვიან საღამოს გადაასვენეს.

"ნიუპოსტმა" წერეთლის გამზირზე მომხდარი ფაქტის ირგვლივ ახალი დეტალების გარკვევა შეძლო.

ყაჩაღობის მცდელობის თვითმხილველები აცხადებენ, რომ ბანკში შეღწევა თავდამსხმელმა იარაღის მუქარით შეძლო. მან ბანკის პირველი კარი დაცვის თანამშრომელს ცეცხლსასროლი იარაღით მუქარით გაახსნევინა.

დაცვის თანამშრომელმა, თანამშრომლების გაფრთხილება შეძლო რის შემდეგაც მათ სერვის ცენტრში შესასვლელი მეორე კარის დაკეტვა მოასწრეს.

"რომ შემოვარდა, ჩვენ მეორე ოთახში შევედით. სახეზე ნიღაბი ეკეთა. თვითმკვლელობის შესახებ შემდეგ გავიგე"- აცხადებს ბანკის თანამშრომელი. შემთხვევისას ბანკში თანამშრომლების გარდა კლიენტებიც იმყოფებოდნენ.

"საქართველოს ბანკის" თანამშრომლები იხსენებენ, რომ თავდამსხმელს ნიღაბი ეკეთა.

მათივე ინფორმაციით, თავდამსხმელმა სალაროდან გარკვეული რაოდენობის თანხის აღება მოასწრო, თუმცა ბანკის დატოვება პოლიციის სპეეცოპერაციის გამო ვერ მოახერხა.

შს სამინისტროში ამბობენ, რომ პირმა რომელმაც გუშინ "საქართველოს ბანკში" სიცოცხლე თვიოთმკვლელობით დაასრულა, რამდენიმე საათით ადრე წერეთლის გამზირზე მდებარე TBC ბანკის ფილიალშიც შეიჭრა.

არსებული ინფორმაციით, ბანკში შეჭრილი პირი წერეთლის გამზირზე ცხოვრობდა.

"საქართველოს ბანკის" დააჩარების მცდელობას შეესწრო "საზოგადოებრივი მაუწყებლის" ყოფილი ხელმძღვანელი გია ჭანტურია.

მისი ინფორმაციით, ადგილზე პოლიცია რამდენიმე წუთში გამოცხადდა და მძარცველთან მოლაპარაკებას აწარმოებდა, თუმცა მცდელობა უშედეგოდ დასრულდა.

"როგორც ამას თვითმხილველები ყვებიან თვითმკვლელობის წინ სატელეფონო ზარიც ჰქონდა. ის რაც მოხდა შემაშფოთებელია, ერთ დღეში ერთი ქუჩისთვის ორი ბანკის ძარცვის მცდელობა ნამეტანია"- აცხადებს ჭანტურია.