ლადო სადღობელაშვილი პოლიციას ძალადობასა და ფიზიკური დაზიანებების მიყენებაში ადანაშაულებს

პოლიტიკა - 10:29, 13 Sep, 2017

767

“ქართული მარშის“ ერთ-ერთი მთავარი ორგანიზატორი ლადო სადღობელაშივილი, რომელიც გუშინ გამართული აქციისას დააკავეს პოლილციას ძალადობასა და ფიზიკური დაზიანებების მიყენებაში ადანაშაულებს. სადღობელაშვილი ღამით თბილისის მთავარ სამმართველოში ადვოკატმა მოინახულა.

ადვოკატ ცირა ჯავახიშვილის თქმით დაკავება კანონდარღვევით მოხდა, რის შემდეგაც სამართალდამცველები ლადო სადღობელაშვილს მანქანაში ფიზიკურად გაუსწორდნენ.

„აქვს სისხლნაჟღენთები ნეკნებში უკანა მხრიდან. ასე რომ თქვას სამართალდამცავმა ორგანოებმა რომ ლადო სადღობელაშვილმა თვითონ მიიყენა ეს დაზიანებები, ნამდვილად არ გამოვა. თვითონ ამბობს, რომ სცემეს დაკავებისას და მერე კიდევ მანქანაში გააგრძელეს, მანამ სანამ არ აიყვანეს განყოფილებაში,“-განაცხადა ადვოკატმა ცირა ჯავახიშვილმა.

პოლიციის მხრიდან ძალის გადამეტებაზე საუბრობს „ქართული მარშის“ დამფუძნებელი სანდრო ბრეგაძეც.

„ჩვენ აუცილებლად ვაგებინებთ პასუხს ყველა იმ ე.წ. სამართალდამცავს, რომელმაც ჩაიდინა ასეთი ტიპის გაუგონარი დანაშაული. დაკავებულ ადამიანებს აღარ ცემენ ჩრდილოეთ კორეაში,“-აცხადებს სანდრო ბრეგაძე.

პოლიციის მხრიდან ძალადობის ბრალდებას უარყოფს შინაგან საქმეთა სამინისტრო. უწყების ცნობით, სადღობელაშვილი ადმინისტრაციული სამრთალდარღვევათა კოდექსის 166-ე და 173-ე მუხლითაა დაკავებული, რაც წვრილმანი ხულიგნობას და პოლიციელის კანონიერი მოთხოვნისადმი დაუმორჩილებლობას გულისხმობს.სასამართლოს წინაშე ლადო სადღობელაშვილი დღეს წარდგება.