"შეგვიძლია, კიდევ ერთხელ ვცადოთ"- კობახიძე საკონსტიტუციო ცვლილებებზე ოპოზიციასთან დიალოგისთვის მზადყოფნას გამოთქვამს

პოლიტიკა - 19:50, 12 Sep, 2017

1105

საქართველოს პარლამენტის თავმჯდომარის თქმით მიუხედავად იმისა, რომ ის ოპტიმისტურად არ არის განწყობილი, ოპოზიციის მხრიდან შენიშვნების შეთავაზების შემთხვევაში საკონსტიტუციო ცვლილებებთან დაკავშირებით მოლაპარაკება შესაძლებელია:

„ოპოზიციურ პარტიებთან ასეთი კონტაქტი ჩვენ უკვე გვქონდა. ჩვენ ვკითხეთ სადავო საკითხებთან დაკავშირებით. ოპოზიციისგან პასუხი ვერ მივიღეთ. ვფიქრობ, ეს იყო წინასწარ განზრახვა ოპოზიციისგან, რომ არ ყოფილიყო კონსენსუსი. ჩვენ ყოველთვის ვაცხადებდით და ახლაც ვაცხადებთ, რომ მზად ვართ დიალოგისთვის, დისკუსიისთვის. აბსოლუტურად ღიაა ამისათვის მმართველი გუნდი. უბრალოდ, რაც უფრო მეტად წელავს ოპოზიცია ამ პროცესს, მით უფრო რთულდება, ბუნებრივია, ჩვენი ამოცანა. ახლა ეს ყველაფერი პიკს არის მიახლოებული.ჩვენ ვეცდებით. არ ვართ ოპტიმისტურად განწყობილი. რამდენჯერმე ვცადეთ, თუმცა შედეგი ვერ მივიღეთ. რა თქმა უნდა, შეგვიძლია, კიდევ ერთხელ ვცადოთ. ძალიან მნიშვნელოვანია ვენეციის კომისიის როლი და არ მივიღებთ არც ერთ ნორმას, რომელიც არ იქნება დამოწმებული ვენეციის კომისიის მიერ. ” – განაცხადა კობახიძემ.