ივანიშვილი და პოროშენკო ძირს უთხრიან ორი ქვეყნის დამოუკიდებლობას

ივანიშვილი და პოროშენკო ძირს უთხრიან ორი ქვეყნის დამოუკიდებლობას - მიხეილ სააკაშვილი

პოლიტიკა - 18:10, 12 Sep, 2017

1308

საქართველოს მესამე პრეზიდენტის თქმით, ოლიგარქების წინააღმდეგ ბრძოლა პარალელურად ორ ფრონტზე უწევს.
სააკაშვილი დარწმუნებულია, რომ ბრძოლა ორივე შემთხვევაშიგამარჯვებით დასრულდება.

„ივანიშვილი არის ძალიან სუსტი. ის დგას მხოლოდ იმაზე, რა გამოგვივა. არაფრის მაქნისი არაა. ხომ ხედავთ, რამხელა ოლიგარქებს ვეკვეთე აქ და აქაც კი როგორ ყანყალებენ და ვინ არის ივანიშვილი,“ - განაცხადა მესამე პრეზიდენტმა "კურიერთან" საუბრისას.

სააკაშვილი აცხადებს, რომ თუ საქართველოზე ფიქრს არ წყვეტს.

„ოდნავ თითი თუ გაანძრიეს ქართველებმა, ცოტა თუ გამოიფხიკეს ყურები და თვალები, მე ამ პროცესის ნაწილი ვარ, ჩვენ აუცილებლად გავიმარჯვებთ საქართველოში. მინდა, ვუთხრა ქართველებს, რომ მე ერთი წუთით არ ვწყვეტ საქართველოზე ფიქრს. ვიცი, რაზე ვლაპარაკობ, რა მოვლენასთან გვაქვს საქმე, ორივე ერთად გაერთიანდა და ორივეს მოსკოვთან აქვს კავშირი. პოროშენკო რუსეთში ახალ ობიექტებს აშენებს, ივანიშვილს როგორც ჰქონდა რუსებთან ურთიერთობა, ასევე აქვს. ორივე, საბოლოო ჯამში, ძირს უთხრის ორი ქვეყნის დამოუკიდებლობას. მე გავხდი სიმბოლო, ალბათ, ამ ორივე ქვეყანაში სხვებთან ერთად წინააღმდეგობის და ბრძოლის. ამიტომ, რა თქმა უნდა, ისინი მე მებრძვიან. თუ ჩვენ საქართველოში და აქ აუცილებლად გავანძრევთ ხელს, თუ ყველა ერთად გავანძრევთ ხელს, იქაც და აქაც დამარცხდებიან, მერე უკვე პუტინსაც დედა აღარ ეყოლება,“ - განაცხადა მიხეილ სააკაშვილმა.