ეროვნული უშიშროების საბჭოს მდივანი ვაშინგტონში იმყოფება. დავით რაქვიაშვილი თეთრი სახლის წარმომადგენლებთან შეხვედრაზე საქართველოს პრეზიდენტის იმ ინიციატივას გააცნობს, რომელიც საქართველოს საკითხებში შეერთებული შტატების სპეციალური წარმომადგენლის დანიშვნას გულისხმობს.

მხარეები ასევე განიხილავენ საქართველოს თავდაცვის სფეროში მიმდინარე რეფორმებს. ასევე, ორმხრივი, რეგიონალური და ევრო-ატლანტიკური თანამშრომლობის პერსპექტივებს. საუბარი შეეხება უსაფრთხოების მხრივ რეგიონში შექმნილ მდგომარეობასა და ოკუპირებულ ტერიტორიებზე არსებულ ვითარებას.

„მე ვისაუბრე იმ შესაძლებლობებზე, იმ ახალ ნაბიჯებზე, რომელიც შეიძლება იყოს გადადგმული ზუსტად ამ მიზნის მისაღწევად, რომ საქართველოსთან მიმართებაში ამერიკული პოლიტიკა კიდევ უფრო გააქტიურდეს. მათ შორის, პრეზიდენტის ამ ინიციატივაზეც. მე ასევე მექნება სხვა შესაძლო ნაბიჯებზე საუბარი თეთრ სახლში,“ - განაცხადა დავით რაქვიაშვილმა.