"თუ გააგრძელებთ ოპონენტების ციხეში ჩასმას და ექსტრადირებას იზოლაციაში მოექცევით"- პავილიონისი ხელისუფლებას

პოლიტიკა - 15:48, 11 Sep, 2017

2257

მიხეილ სააკაშვილის საკითხთან დაკავშირებით კომენტარი ლიტვა-საქართველოს საპარლამენტო მეგობრობის ჯგუფის ხელმძღვანელმა ჟიგიმანტას პავილიონისიმ გააკეთა მისი თქმით, ოპონენტების დევნა და ექსტრადირება ქვეყანას იზოლაციასი მოაქცევს. მისი განცხადებით იმით, რაც დღეს უკრაინაში ხდება, ბედნიერი მხოლოდ კრემლია.

„ვფიქრობ დღეს ძალიან ბედნიერია კრემლი, „დაყავი და იბატონე“, ეს სწორედ ისაა რაც დღეს რეგიონში ხდება. პოლიტიკური პარტიები ლიტვის შიგნით ერთმანეთის ოპონენტები არიან, მაგრამ უცხო ქვეყნებში ისინი გაერთიანებულად მუშაობენ. ეს იყო მთავარი ჩვენს წარმატებაში და ამას ყველა აღიარებს. საქართველო ძალიან ნათლად გააფრთხილეს, რომ ზედმეტი ნაბიჯები არ გადაედგა ექსტრადირებასთან და დაპატიმრებასთან დაკავშირებით. დემოკრატია არ არის, როდესაც ხელისუფლებაში მოდიან და ოპონენტებს ციხეში სვამენ, ეს ძალიან ცუდია. თქვენს ადგილას რომ ვიყო, ყველაფერს გავაკეთებდი, რომ დაყოფისა და ბატონობის ინსტრუმენტი რუსეთისთვის ჩამომერთმია და ხელისუფლებისა და ოპოზიციის ძალები გამეერთიანებინა. თქვენ პარლამენტში კომფორტული უმრავლესობა გაქვთ იმისთვის, რომ მნიშვნელოვანი რეფორმები განახორციელოთ, ევროპული ინტეგრაციის თვალსაზრისით, თქვენ შეგიძლიათ იყოთ მაგალითი თუ ამას მოისურვებთ. თქვენ შეგიძლიათ მიიღოთ წევრობა, მაგრამ იმ შემთხვევაში თუ დარჩებით ერთიანობით. თუ გააგრძელებთ ოპონენტების ციხეში ჩასმას და ექსტრადირებას, თქვენ მხოლოდ იზოლაციაში მოექცევით“- განაცხადა ჟიგიმანტას პავილიონისიმ.