მიხეილ სააკაშვილმა დღეს გამართულ პრესკონფერენციაზე განაცხადა, რომ ის აუცილებლად მიმართავს სასამართლოს დარღვეული უფლებების აღდგენის მოთხოვნით. მისივე თქმით, მას ნდობა სასამართლოს მიმართ არ აქვს. საქართველოს მესამე პრეზიდენტის თქმით, პოროშენკომ მას ქურდულად ჩამოართვა მოქალაქეობა მაშინ, როდესაც ის ქვეყანაში არ იმყოფებოდა:

„ის, რაც ჩემთან დაკავშირებით ხდება, ეს ოლიგარქების- ივანიშვილის და პოროშენკოს გარიგებაა. პოროშენკო ჩავიდა თბილისში, შეხვდა გაზპრომის აქციონერს და გარიგდნენ“, - განაცხადა სააკაშვილმა.

შეგახსენებთ, რომ გუშინ საქართველოს მესამე პრეზიდენტმა და ოდესის ყოფილმა გუბერნატორმა მიხეილ სააკაშვილმა პოლონეთი-უკრაინის საზღვარი გადაკვეთა და უკრაინის ტერიტორიაზე მიუხედავად დაბრკოლებებისა, გადავიდა.