საქართველოს მესამე პრეზიდენტი და ოდესის ოლქის ყოფილი გუნებრატორი, მიხეილ სააკაშვილი გუშინ უკრაინაში ჩავიდა. საზღვარზე სერიოზული დაბრკოლებების მიუხედავად სააკაშვილმა მისი გადაკვეთა მაინც შეძლო. „ერთიანი ნაციონალური მოძრაობის“ წევრის რომან გოცირიძის განცხადებით, სააკაშვილი უკრაინაში სერიოზული ცვლილებების გენერატორი გახდა. როგორც გოცირიძე „ნიუპოსტთან“ საუბრისას აცხადებს, სააკაშვილის საქართველოში ჩამოსვით არსებული ხელისუფლების მმართველობა დასრულდება:

„ეს იყო სამართლიანობის ზეობა, კიდევ ერთხელ დავინახეთ, რომ ხალხი არის მთავარი პოლიტიკური ძალა და ხალხის ნებას ვერავინ აღუდგება წინ. უკრაინისა და საქართველოს ხელისუფლება მიხეილ სააკაშვილმა გააკოტრა. ფაქტობრივად, მათი ალიანსი ძალიან სასაცილო იყო, არცერთს არ უნდოდა, რომ მიხეილ სააკაშვილი მათ ქვეყნებში შესულიყო, უკრაინას რომ არ უნდოდა, ეს ჩანს იმ სამხედრო კორდონებიდანაც, რომელიც აღმართეს საზღვარზე, როდესაც ადამიანს უსამართლოდ დევნი, მთავარი ფაქტორი გახდება ხალხი, საქართველოში სააკაშვილის შემოსვლა და ამ ხელისუფლების დამთავრება იქნება ერთი. ყველა ის პროცესი, რაც მის წინააღმდეგ მიმდინარეობდა არის უსამართლო. ხალხს ვერ მოატყუებ, ყველამ დაინახა, რომ ადამიანის კოსტუმებისთვის და დაკრძალვაზე გვირგვინის მიტანისთვის დასჯა არის უსამართლო, თანაც იმ ადამიანის, რომელმაც რეალურად შექმნა დანგრეული ქვეყნიდან ევროპული სახელმწიფო, ამიტომ ხალხი არ აპატიებს არცერთ ხელისუფლებას. უკრაინაში როგორ წარიმართება პროცესები არ არის მარტივი განსასაზღვრი, იქ არიან ოლიგარქები, იქ არის პუტინის ფაქტორი, არის პოროშენკო, რა ნაბიჯებს გადადგამენ ამის თქმა ძნელია, მაგრამ გრძელვადიან საკითხში, უკრაინის ხელისუფლებამ სერიოზული მარცხი რომ განიცადა, ეს ფაქტია. სააკაშვილი გახდა უკრაინაში სერიოზული ცვლილებების გენერატორი“, - აცხადებს რომან გოცირიძე.