უშგულში უძველესი კოშკები ინგრევა - მიმართვა პრემიერ კვირიკაშვილს

სოც.მედია - 13:23, 08 Sep, 2017

2755

უშგულში მეთორმეტე საუკუნეში აშენებული კოშკები ისევ ინგრევა. ამ ფაქტთან დაკავშირებით ცნობილი რეჟისორი მარიამ ხაჭვანი პოსტს სოციალურ ქსელში აქვეყნებს. ხოლო „ნიუპოსატის“ საშუალებით პრერმიერს შემდეგი განცხადებით მიმართავს.

ბატონო პრემიერო, გთხოვთ, დაუყონებლივ შეისწავლოთ უშგულის საკითხი და ერთდროულად მოხდეს დანგრევის პირას მყოფი კოშკებისა და მაჩუბების რეაბილიტაცია.

გთხოვთ,დაიცვათ ადგილობრივი მოსახლეობის და ათასობით ტურისტის უსაფრთხოება .

გთხოვთ, გადაარჩინეთ დანგრევას საუკუნეებ გამოვლი საქართველოს საგანძური.

როგორც უკვე ნახეთ, უშგულის სამი უბნის: ჟიბიანი,ჩვიბიანი და მურყმერის კოშკები და მაჩუბები ამ ზამთრამდე ვერცერთი ვერ გასტანს. დღე დღეზე ჩამოინგრევა ფრიდონ ნიჟარაძის კოშკიც და უკვე უშგულის უბნებში გადაადგილებაც კი საფრთხეს უქმნის ადამიანებს.

პატივისცემით,

უშგულის მკვიდრი მარიამ ხაჭვანი

მარიამ ხაჭვანმა უშგულის კოშკის ნგრევასთან დაკავშირებით სოციალურ ქსელში პოსტიც გამოაქვეყნა:

უშგულის შუკებში დავიარები, ერთი ძველი "მაჩუბი"მიყურებს, მეჩვენება რომ თვალებში მიყურებს.კი არ მეჩვენება,ნამდვილად თვალებში მიყურებს. ალბათ მერვე საუკუნის იქნება. წაქცევა უნდა, მაგრამ ხელს ორი მორი უშლის, რომლებიც მის გამაგრებას ცდილობენ.

ეს მაჩუბი სხვას არ გავს, ლამაზია, დაბზარული, ნაოჭებიანი, მუქი, ყორნისფერი ქვით აშენებული, თავზეც ლამაზი გვირგვინი ახურავს, ყველასგან განსხავებული.

მენანება...

მრცხვენია და თვალს ვერ ვუსწორებ...

მერე სხვაგან გავიხედავ, ...

თვალში სხვა კოშკი მხვდება, ისიც გაბზარული, მაგრამ, ის თავისთვის დგას, მორიდებულად,

მთვრალი კაცივით. თითქოს ეშინია ჩემსკენ გამოხედვის,უცაბედად რომ არ წაიქცეს...

არავის აწუხებს. არავის აშინებს...

ალბათ ისიც ჩუმად დაინგრევა, ისიც ხმის ამოუღებლად, როგორც ის ტყუპისცალი კოშკი...

მერე აბობოქრდება ბრბო..

იმედი მოეცემათ კოშკებს..

მერე ყველა სახლი წავა...

მერე ყველა გათბება...