"ტყუილი, უტიფრობა, სითავხედე... როგორც ივანიშვილი, ყველა ოლიგარქი ერთი მასალისგან არის გაკეთებული"- საკაშვილი მოქალაქეობის ჩამორთმევაზე

პოლიტიკა - 23:06, 07 Sep, 2017

1589

„არჩევანის“ ეთერში, მიხეილ სააკაშვილმა ბიძინა ივანიშვილისთვის საქართველოს მოქალაქეობის ჩამორთმევაზეც ისაუბრა.

საქართველოს მესამე პრეზიდენტის განცხადებით, ყოფილმა პრემიერმა საქართველოს მოქალაქეობა საფრანგეთის მოქალაქეობის მიღების შემდეგ დაკარგა.

„ერთი მასალისგან არის გაკეთებული ყველა ოლიგარქი, ტყუილი, უკიდურესი უტიფრობა, სითავხედე, ქურდობა პირდაპირი. საფრანგეთის და სან მარინოს მოქალაქეობა ჰქონდა აღებული და ამის შესახებ თვითონ განაცხადა. თვითონ რომ არ განეცხადებინა, ჩვენ ვიცოდით, მაგრამ ამას არ ვაფიშირებდით. იძულებული ვიყავით ჩამოგვერთმია მოქალაქეობა,“ - განაცხადა მიხეილ სააკაშვილმა.

საქართველოს მესამე პრეზიდენტმა აღნიშნა, რომ საქართველოს კონსტიტუციაში მოქალაქეობის მინიჭების შესახებ ცვლილებები „იძულებითი“ წესით, სწორედ ივანიშვილის გამო შევიდა.

„შევცვალეთ საქართველოს კონსტიტუცია, რომ არავის არ ეთქვა, რომ ოპოზიციის ლიდერს ჩამოართვეს არჩევნებში მონაწილეობის უფლება და დავუშვით, რომ ევროკავშირის მოქალაქეს, ე.ი. ივანიშვილს, პირდაპირ ადამიანს მოვარგეთ კონსტიტუცია, ჰქონოდა უფლება არჩეულიყო,“ - განაცხადა მიხეილ სააკაშვილმა.

სააკაშვილმა ივანიშვილი რუსულ თამაშში კიდევ ერთხელ დაადანაშაულა.

რუსეთის საქართველოში შემოსვლაიყო, რის გამოც, არა ერთი არეულობა მოაწყო მმართველმა გუნდმა.

მიხეილ სააკაშვილის თქმით, საქართველოში ივანიშვილის ბიზნესის განვითარების მიზნით, სხვადასხვა ქმედებები ხორციელდება, მათ შორის, ბაზრობების გადაწვა. მან აღნიშნა, რომ საქართველოს დღევანდელმა ხელისუფლებამ მის მიერ დაწყებული პროექტები აღარ გააგრძელა.

სააკაშვილმა მოახლოებულ არჩევნებზეც ისაუბრა.

"უნდა გაიმარჯვოს იმ ხალხმა, ვინც შექმნა თბილისის განვითარებაში ყველაზე დიდი ბუმი," - განაცხადა მიხეილ სააკაშვილმა.